Artûklu û Qabilcewz de karantîna
Qezaya Artûklu ya Mêrdînî de 14 kesî gerîyayî binê karantîna, kesêk/e zî merd/e. 3 tax û dewêka qezaya Qabilcewzî ya Êlihî zî binê karantîna de yê.
Taxa Kabala ya qezaya Artûklu ya Mêrdînî de 2 kesan de ke serra înan 17 û 25 a, vîrusê Korona ame tesbîtkerdene. Heman bîna de 14 kesî gerîyayî binê karantîna. Taxa Kabala de zî kesêko/a 60 serre vîrusê Korona ra merd/e.
Dewa Altidere û 3 taxê Qabilcewzî yê Êlihî zî gerîyayî binê karantîna. Qeymeqamîya Qabilcewzî da zanayene ke dewe û taxî heta fermanêkê bînî do binê karantîna de bimanê. Qeymeqamîye waşt ke wa roniştoxê qez û dewan qasê 14 rojan keyeyî ra mevejîyê, nêbo karantîna bi zorî bêra caardene.
