Fermandaranê Hêzanê Pawitişê Cinîyan ê Rojhelatê Kurdîstanî (HPJ) ra Aryene Arê ANFyî rê qisey kerd û serewedaritişê Rojhelatê Kurdîstanî û Îranî ercna.

Aryene Arê verî pêro şehîdê teşrîna verêne yad kerdî û serra 30. ya artêşbîyayîşê cinîyan fîraz kerd.

Aryene Arê vat: ''Cinîyê Apogîrî seba cuyêka azade têkoşîn kenê. Ewro cinîyî koy, zîndan, kuçeyan de û pêro waran de vera dişmenê îşxalkerî têkoşîn kenê. Sîstemê îqtîdarî û îşxalkerî kenê ke Kurdîstan de qirkerdişan bikerê. Dewletan tirke pê îmkananê NATOyî hêrişê gerîlayan kena û verê çimanê pêro dinya de çekanê kîmyewîyan şuxilnena. Tewr peyên 17 embazê ma pê nê çekan şehîd bîyê. Embazê ma yê cinîyî bi ruhê Bêrîtane koyan de têkoşîn kenê. Ganî pêro cinîyî bi na hişmendî û ruhê Bêrîtane tewrê têkoşînî bibê.

Fikr û felsefeya Rayber Apoyî her cayê Kurdîstanî û dinya ra vila benê. Nika bi şîarê 'jin, jiyan, azadî' Îran û Rojhelatê Kurdîstanî de cinîyî û şarî mîyanê serewedaritişî de yê. Şaran û cinîyan qetilkerdişê Jîna Emînî seke vera komelî bi ercna û sere wedarit. Cinîyê dinya zî wayîrê nê serewedaritişî benê. Ganî pêro cinîyî vera sîstemê serdestîya camêrdan dormeyê îdeolojîya xelisîyayîşê cinîyan de bêrê pêser û xo rêxistin bikerê. Ganî bi hawayêkê hîna radîkalî cinîyî wayîrê serewedaritişê Rojhelatê Kurdîstanî û Îranî vejîyê. Vengo ke kuçeyan ra berz beno roşnîya azadîye. No yewvengî nîşaneya demokrasî ya. No serewedaritişo ke roje bi roje beno pîlêr, hemleya şorişî ya.

Ganî şarî û cinîyî heta ke waştişê înan bêrê caardene nê serewedaritişî rê dewam bikerê. Ancax pê demokratîkbîyayîşê Îranî nê meseleyî do çareser bibê. Ma sey HPJyî paştî danê kampanyaya KJARî.  Erk û mesuldarîya ma ya ke ma seba azadîya şarê xo destê ma ra çi bêro bikerê. Ma do qetî xeyalanê şehîdan bîyarê ca. Ganî cinîyî nê esasî ser o meydanan de wayîrê xopawitişî bibê û heta peynî wayîrê yewvengî bibê, mîyanê paştdayîşî de bibê.''