Arzu Karaman rê cezaya zîndanî ya 9 serran dîyaye
Hemsereka verêne ya HDPyî ya Rezanî Arzu Karaman rê cezaya zîndanî ya 9 serran dîyaye. Dozgerî waşt ke Karamane semedê kincanê xo ra bêra cezakerdene.
Hemsereka verêne ya HDPyî ya Rezanî Arzu Karaman bi îdîaya 'endamîya rêxistine' ameyêne hukmkerdene. Roniştişê dewaya Karame Mehkemeya Cezaya Girane ya Amedî de ame kerdene. Avûkatê Karamane Fadil Yildiz tewrê roniştişî bi.
Dozgerî pare kerd ke Karamane Kongreya Cinîyan ê Azadan (KJA) de ca girewt û kemerê aye yo sîya-sipî mendêne kincê rêxistine.
Heyetê mehkeme bi îdîaya 'endamîya rêxistine' cezaya zîndanî ya 9 serran daye Arzu Karaman û bire daye ke şertê kontrolê edlîyî dewam bikero.
