Asayîşê Silêmanî vera multecîyanê sîyasîyan ê Vakurê Kurdîstanî dest pê operasyonêkê sîyasîyî kerd. Dîya zanayene ke 8 hemwelatîyê Vakurê Kurdîstanî yê ke endamê HDPyî yê û tedayanê dewleta tirke ra koçê Başûrî kerdbî, ameyî destbendkerdene. 

Nameyê nê kesî wina yê: Navên kesên hatine destgîrkirin wiha ne: Meşruk Çiftçi, Ersoy Yilmaz, Hesen Kaçar, Mehmed Soyler, Serwet Akdeniz, Şefîk Yildirim, Murad Turak û kesêko bîno ke nameyê ci nêzanîyeno.

Temsîlkarîya HDPyî ya Silêmanî derheqê babete de eşkerayîyêke daye û destbendkerdişî şermezar kerdî.HDPyî da zanayene ke nê kesî verî zîndananê Tirkîya de binê îşkenceyî de tepişîyayê û vat: ''Embazê ma Hasan Kaçar, Ersoy Yilmaz û Şefîk Yildirimî seba ke îşkence dîbî weşîya înan xirab a. Eke çîyêk bêro înan ser asayîşê Silêmanî tira mesuldar o. Ma venga Îdareyê Silêmanî, Asayîşê Silêmanî danê ke wa embazanê ma vera bidê. Ma venga temsîlkarîya Neteweyanê Yewbîyayeyan danê ke verê binpaykerdişê heqanê multecîyan bigêrê, erkê xo bîyarê ca. Eke endamê ma vera nêdîyê ma do tewirê xo bi xurtî bimojnê û xo ver bidê.''