Merkezê Îrtîbatî û Çapemenîye yê HPGyî nasnameyê gerîlayêko ke Avaşîn de şehîd bi, eşkera kerd. Eşkerayîye wina ya:

''Hêrişê îşxalî yê dewleta tirke hetê gerîlayanê azadîye ra bi ruhê Apogîrî ameyî pêşwazîkerdene û her ca de derbê giranî dîyayî îşxalkeran ro. Tîmê ma yê gerîlayan derbanê giranan danê dişmenî ro, taktîkanê dewrê neweyî bi hawayêkê afernayoxî pratîze kenê û cewabê hewceyî danê hêrişan.

Prosesê şerê diyînî yê vera Avaşînî de ewladanê çêran ê şarê erebî ra embaz Fedaî Avaşîn de bi çêrî vera dişmenî şer kerd û şehîd bi.

Nasnameyê embaz Fedaîyî wina yo:

Nameyê Qodî: Fedaî Kobanê

Name û Peyname: Hazim Ali El Nofel

Cayê Bîyayîşî: Cezaa

Maye-Pî: Meryeme – Alî

Tarîx û Cayê Şehadetî: 18ê Nîsana 2022yî / Avaşîn

Embaz Fedaî Cezaa de mîyanê keyeyêkê erebî de,  dadîya xo ra bîyo. Embaz Fedaîyî wextê xoverdayîşê Rojawanî yê vera DAÎŞî de têgêrayîşê azadîye şinasna û tewrê nê xoverdayîşî bi. Serra 2016î de zî ey verê xo da koyan û bi gerîla. Embaz Fedaî 3 serran warê Garê de mend û israrê xo ser o 2019 de derbazê Avaşînî bi. Ey bi taybetî wextê hêrişanê vera Avaşînî yê 2021î de derbê giranî dayî dişmenî ro, serkêşîya çalakîyan kerde. 17ê nîsane de wexto ke artêşa tirke ya îşxalkere hêrişê Avaşînî kerd zî embaz Fedaîyî bêteredut cewabê îşxalkeran da. 18ê nîsane de Warê Xoverdayîşê Werxelê de zî ey vera dişmenî şer kerd û şehîd bi. Embaz Fedaî tim ma rê bibo çimeyê moralî.

Ma sere de keyeyê ercîyayeyî yê embazê xo rê, şarê erebî û şarê Kurdîstanî rê serweşîye wazenê.Ma venga pêro ciwananê ereb û kurdan danê ke sey şehîd Fedaîyî tewrê gerîlayan bibê û artêşa gerîlayan pîl bikerê.''