Merkezê Îrtîbatî û Çapemenîye yê HPGyî nasnameyê 3 gerîlayan ê ke Zap de şehîd bîyî, eşkera kerdî û nê pare kerdî:

''Artêşa tirke ya îşxalkere 17 nîsane de vera Herêmanê Pawitişî yê Medya operasyonê îşxalkerdişî da destpêkerdene. Îşxalkerî raştê têkoşînê biheybetî yê gerîlayan ameyî. Dewleta tirke rixmê teknîkê xo nêeşkena têkoşînê gerîlayan bişikino û derbeyanê pîlan wena. Hêrişê ke hema hema pêroyê herêma Zapî ra vila bîyî de sere de gerîlayê YJA Starî zî hêzê ma têkoşînê fedayîyî reyra benê. Hemrayê ma  Zîlane, Mizgîne û Rojgirav bi qerardarîya xo yê têkoşînî derbeyê pîlî dayî dişmenî ro û hewayêkê qehremankî tewrê kerwanê şehîdan bîyî.

Nasnameyê embazanê ma yê şehîdan wîna yê:

Nameyê Qodî: Zîlane Rustem Name û Peyname: Gulîstane Haabeş Cayê Bîyayîşî: Serêkanîyê Maye-Pî: Rabîa -Mustafa Tarîx û Cayê Şehadetî: 18ê Nîsana 2022yî /Zap

 

Nameyê Qodî: Mizgîne Botan Name û Peyname:  Fatma Tetik Cayê Bîyayîşî:Şirnex Maye-Pî: Ayşe -Salih Tarîx û Cayê Şehadetî: 18ê Nîsana 2022yî /Zap

 

Nameyê Qodî: Rojgirav Laşer Name û Peyname: Ekber Abdullah Omer Cayê Bîyayîşî:Salmas Maye-Pî: Makbule - Abdullah Tarîx û Cayê Şehadetî: 18ê Nîsana 2022yî /Zap

Hemraya ma Zîlana ke bajarê Serêkanîyê yê Rojawanî de ameya dinya şahîdîya rayraşîyayîşê azadîye yê Rojawanî kerda û dîrek tewrê ci bîya. Serra 2021 de tewrê sefanê gerîlayan bîya û sey cinîyêka xoverdayoxe ya kurda bi felsefeya Rayber Apoyî xo aver berdo. Embaza ma ke bîye mîlîtanêka serkewtîye ya PKK û PAJKî sere de Garê, Qendîl û Metîna xeylêk waranê bînan de menda û gerîlatîye kerda. Gama ke DAÎŞê hêrişê Şingalî kerd ravêrta herra bimbareke ya Şingalî û serkewtişî de rolêko muhîm kay kerdo. Bado ke tîya wezîfeyê xo bi serekewtişî ardo ca sey gerîlayêka jîhate ya YJA Starî verê xo dayo warê Zapî. Hemraya ma ke ruhê dewrî kirştêne sey fermandara ciwane cuya û şerî de hemrayanê xo rê serkêşîye kerda. Hemra Zîlane xoverdayîşê Zapî yê vera hêrişê 17ê nîsane de tewrê xeylêk çalakîyanê serkewteyan bîya ke derbeyê pîlî dîyayî dişmenî ro. Seba ke destê dişmenî mekewo bombaya xo xo ser teqnaya û tewrê kerwanê şehîdan bîya.

Hermaya ma Mizgîne keyeyêkê koçerî yê eşîrê Teyî yê yo welatperwerî yê Botanî de ameya dinya û keyeyêko şehîdê ci estî de bîya pîl. Seba ke keyeyê ci koçero a wareyan û xozaya Kurdîstanî de bîya pîl. Coka sîstemê modernîteya kapîtalîste ra dûrî menda. Hema qictîya xo ra Têgêrayîşê Azadîye yê Kurdîstanî nas kerdo û bi destananê şehîdan bîya pîl. 2014 de  wareyanê Feraşînî de tewrê gerîlayan bîya û dima ra Herêmanê Pawitişî yê Medya de perwerdeyê gerîlatîye dîyo û Garê de dest pê pratîkê verênî kerdo. Hemraya ma lezabez xo resnayo û bîya gerîlayêka serkewtîye ya PAJKÎ. Hemraya ma Mizîgne 2019 de  verê xo dayo warê Zapî û tîya sey gerîlayêka YJA Starî rolê xo  bi serekwtişî ardo ca û dewro kilm bîya fermandare. Wextê îşxalê vera Zapî de cade çeke xo girewto û pîya bi hemrayanê xo têdima derbeyî dayî dişmenî ro. Hemraya Mizgîne pêkewtişanê giranan de bi hewayêkê qehremakî tewrê kerwanê şehîdan bîya.

Hemrayê ma Rojgirav bajarê Salmasî yê Rojhilatê Kurdîstanî de ameyo dinya û seba ke keyeyê ci welatperwer bi hema qişkekê ra eleqaya ci Têgêşonî Azadîye yê Kurdîstanî rê bibe. Wexto ke zextê giranî yê dişmenî bibî zî têkoşînî ra dûrî nêvindert. Wextê Şorişê Azadîye yê Rojawanî de partîya ma PKK nas kerda. Seba ke nêwaşt têna bi têkoşînê Rojhilatî sînordar bîmano 2014 de tewrê sefanê gerîlayan bîyo. Bado ke perwerdeyo leşkerî dîyo Garê û Metîna pratîk dîyo û tewrê hemleya Şingalî çeteyan ra pakkerdişî bîyo. Badê xelisnayîşê Şingalî ravêrto Rojawan ke vera çeteyan şer bikero. 2021 de şîyo warê Zapî tîya tewrê xeylêk çalakîyan bîyo. Bi tecrubeyê xoverdayîşê Zapî yê parî emser reyna vera hêrişê îşxalî de tewrê têkoşînî bîyo ke derbeyê pîlî dîyayî dişmenî ro. Hemrayê ma Rojgirav sey mîlîtananê serkêşan ê Zapî tewrê kerwanê şehîdan bîyo.

Ma keyeyanê erjayeyan ê hemraynê xo Zîlanê, Mizgîne û Rojgiravî  û şarê welatperwerî yê Kurdîstanî rê serweşîye wazenê. Seba ke ma nê fedayîyan reyde têkoşîn kenê, ma sereberz ê.''