Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî.

''Artêşa tirke ya îşxalkere 23ê teşrîna verêne de waranê Stûnê, Gûndê Çiye, Girê Şehîd Rizgar, Girê Şehîd Fırat û Girê Şehîd Elî yê herêma Avaşînî de operasyonêko hîra da destpêkerdene. 25ê teşrîna verêne de saetanê şewe de dormeyê warê Girê Şehîd Dîrenî de leşkerî ameyî warardene û bombarduman ame kerdene. 27ê teşrîna verêne de no war 10 rey pê teqaberan dîya bombayan ver. 28ê teşrîna verêne de îşxalkeranê ke waşt ver bi herême aver şirê hetê hêzanê ma ra pê taktîkê sabotajî ameyî pirodayene. Netîceya çalakîye de tewr tay îşxalkerêk ame cezakerdene.

Warê Xoverdayîşî yê Girê Kartalî zî 27ê teşrîna verêne de pê teqaberan dîya bombayan ver.

Artêşa tirke 29ê teşrîna verêne de warê Basya û Stûnê de operasyonêk da detpêkerdene. Vera nê operasyonê hîrayî hêzê ma pê ruhê mîlîtanî yê Apoyî têkoşîno tarîxî danê. Mabênê îşxalkeran û hêzanê ma de mesafeyê nêzdî ra pêkewtişê giranî dewam kenê.''