Xeylêk rey ame belgekerdene ke dewleta tirke vera gerîlayan çekanê kîmyewîyan û bombayanê qedexeyan şuxulnena. Di vîdeoyê bînê ke sûcanê rejîmê AKP-MHP û artêşa tirke mojnenê resayê destê ma.

Dîmeno verên Warê Xoverdayîşî yê Werxelê yê Avaşînî ra yo. Cayo ke gerîla Baz Mordem û Helbest Koçerîn netîceya bombaya qedexe û çekanê kîmyewîyan de şehîd bîyî, uca ra yo. Tarîx 20ê tebaxa 2022 yo. Têdima bombayê qedexeyî teqenê. Gerîlayî ta nêameyî teqayîşo pîlo ke verî bîyo biancê kamera la teqayîşê diyînî anto. Xora badê ci dîmenan de yeno vînayene.

Dîmenê diyînî 10ê hezîrana 2022 de tunelê şerî yê Şehîd Hewre yê Warê Xoverdayîşî yê Şehîd Şahînî yê Zapî de ameyo antene. Teqayîş senî pîl o û senî warê girdî de rê vila beno, yeno vînayene.

Wird bombardimanê ke pê bombayanê qedexeyan yenê kerdene de gerîlayî tunelanê şerî de xover danê. Gerîlayê ke nê helan ciwîyayî vanê: ''Gama teqayîşî bîyî senî erdlerz bibo zînarî wina têşîyayî. Dima ra zî gezê jehrin vila bîyî.''

Xoverdayîşê gerîlayan ê vera bombayanê qedexeyan û çekanê kîmyewîyan dewam keno.