Endama Konseya Serekîya Pêroyî ya KCKyî Sozdare Avesta ANFyî rê qala têkoşînê Endama Meclîsê PAJKî û Endama Konseya Fermandarîye ya YJA-Starî Leyla Sorxwîn (Hamîyete Yalçinkaya) kerde.

Sozdare Avesta wina qala Leyla Sorxwîne kerde: 

''Şehadetê embaze Leyla ma zaf xemgîn kerdê. Ez şexsê embaze Leyla de pêro şehîdanê ma bi rêzdarî yad kena û soz dana ke ma do armancanê şehîdan bîyarê ca. Embaze Leyla 1993 de Amedî ra tewra gerîlayan bîya. Embaze Leyla 31 serran koyan de têkoşîn kerd û bîye fermandarêka çêr û qehremane. Embaze Leyla embazêka serewedaritoxe, xoverdayoxe bîye. a perwera Rayberîye û şehîdan bîye. Şehîde Leyla Sorxwîne bi hêz, têkoşîn, cesaret û keda xo maratonê 50 serran de 31 serran embazîye kerde û ganî şehadetê aye bibo sebebê tewiranê xurtan.

Embaz Egîd Hemleya 15ê Tebaxe de Gabar de karê rêxistinîye kerdî, embaze Leyla zî Hemleya 1ê Hezîrane de Gabar de fermandarîye kerde. Leyla Sorxwîne bi Azîmeyan, Zelalan, Çîçekan, Evînan, Nûdayan, Gulbiharan, Gulçiya û Peymanan embazîye kerde. A tim xeta Rayber Apoyî de bi hawayêkê zelalî, zerrî ra wayîrê wezîfe û mesuldarîyanê xo vejîyaye. Embaze Leyla çar parçeyanê Kurdîstanî de şarê ma rê xizmet kerd. 

Ma sey têgêrayîşê azadîye û şarê kurdî prosesêkê zehmetî de yê. La ma do xeta embaze Leyla û Gulçîyayan de têkoşînê xo her ca de pîl bikerê. Nika Rayberê ma ho binê tecrîdêkê giranî de yo. Embazê ma sey embaze Leyla Sorxwîn bingeyê azadîya Rayberîue de xeta azadîya cinîyan de têkoşîn kenê. 

Ma şexsê embaze Leyla de soz danê pêro şehîdan ke azadîya Rayber Apoyî û pêro cinîyan bîyarê ca. Şarê ma xora 14ê gulane de derbêka pîle dabî faşîzmî û îtîfaqê AKP-MHP-HUDA PAR-Yeniden Refahî.  Verê ma de turo diyîn ê weçînayîşê serekkomarîye yê 28ê gulane est o. Ganî şarê ma, şarê Tirkîya, beşê demokratîkî, rêxistinê cinîyan, roşnvîr, hunermend û pêro beşê komelî vera faşîzmî 28ê gulane de têbigêrê. 

Şarê Kurdîstanî 14ê gulane de erkê xo kerd. 28ê gulane de zî şarê Tirkîya wa erkê xo bikerê. Ma 28ê gulane de hişmendîya Erdoganî ya ke DAÎŞ, Talîban, HUDA PAR tede yê, bin bivisnê. Wext wextê azadîye yo. Bi ruhê Leylayan, Gulçiyan, Fazîlan, Peymanan û Raperînan şarê ma do reyna tarîxî binuso.''