Namzedê hemşaredarîya Şaredarîya Qersî ya Partîya Şaran a Demokratîke (HDP) Ayhan Bîlgenî sindoqa 1146’î ke Dibistana Haydar Alîyevî de bî raya xo şuxulnaye. Bîlgeno ke pîya bi hemsera xo û keynayanê xo şi dibistane, dimayê şuxulnayîşê raye ra eşkerayîyêke kilmeke daye.

Bîlgenî vat ke wa weçînitişî bixêr bê û vat, “Îradeyo ke sindoqe ra vejêno, ê îradeyî rê hurmet ramotiş şertêko esasî yê demokrasîyî yo. Ma kampanyayêka muhîme rayra berde. Ma wazenê ke no weçînitiş mîyanê huzur û ewlehî de ravêro. Ma do qe forsê xo nêerzê û bi zanayîşê oyo ke qezenc bikero ganî Qers bo netîceyan biercnê. Netîce se beno wa bibo ma seba şaristanê xo her kesî dawet kenê ke ma pîya bixebityê.”