Endamê Fermandarîya Qerergahî yê Merkezê HPG‘yî  Dr. Bahoz Erdalî programêkê Stêrk TV’yî de ercnayîşê muhîmî kerdî.

Xoverdayîşê Kurdan Planê Îqtîdarî Pûç Vetî

Bahoz Erdalî vist vîr ke îqtîdarê AKP-MHP’yî 2015 ra nate Kurdistan de şerêko newe dayo destpêkerdene û va: ‘‘Nê herîşê ke vera têgêrayîş û şarê Kurdî yenê kerdene, leteyêkê konseptê neweyî yê îqtîdarî yê. 2019 ra dima vera hêrişanê dewleta Tirkî ma sey şar û têgêrayîşî xoverdayîşêko xurt da û no deme tengayîyê girdî ameyî ciwîyayene. 4 serranê peyênan ê şerî de şar zaf tengayîye ante û bedelê girdî dayî. Dewî ameyî vêşnayene û rijnayene. La xoverdayîş, xoverdayîşêko tarîxkî bi. Nê xoverdayîşê planê Erdogan-Bahçelîyî pûç vetî.Hêzê gerîlayê Kurdistanî goreyê verî hîna zaf bîyo. Qerardarî û xoverdayîşê gerîlayan xora gama ke hewce bike yeno ramojnayene.‘‘

Kurdan nê Înan bi Xo Vînî Kerd

Erdalî derheqê weçînitişanê cayîyan de zî nê vatî: ‘‘Nê weçînitişî semedê îqtîdarê AKP-MHP vînkerdişo gird bi.Înan waştêne bi weçînitişan hêzê sîyasî yê Kurdan bişiknê û îqtîdarê xo derg bikerê. La înan bi xo vînî kerd. Tewr muhîm zî hetê ekonîmî ra vînî kerd. Polîtîkayanê şerî yê vera Kurdistanî Tirkîya arde na nuqta. Rîyê şerê 4 serran ra hetê ekonomî ra vînî kerd û meşruyetê înan nêmendo. ‘‘

Gerîla Amadekarîya Şerê Girdî keno           

Endamê Fermandarîya Qerergahî yê Merkezê HPG‘yî  Dr. Bahoz Erdalî bale ante serê şerê Rojakewtena Mîyanêne û nê vatî: ‘‘Rojakewtena MÎyanêne de welato ke tede şer nêno kerdene çîn o. Eşkerayo ke no şer wina lez nêqedîyeno. Nê semedî ra gerîlayê Têgêrayîşê Azadîye yê Kurdistanî goreyê şerêkê girdî xo amade kenê. Kam ke şero gird de vernîya xo mevînê nêeşkeno payra bimano. Coka na amadekarîya mecburî ya. Gerîla hetêk ra şer keno hetêk ra xo newera aferneno. Eke gerîla taktîkê xo hol bişuxulnê eşkeno teknolojîyê dişmenî pûç vejo, derbeyanê girdan piro de û bianci mîyanê krîzêk. Ganî şerê Vakûrê Kurdistanî zî xo goreyê şerêko derg û girdî amade bikero. Şarê bi pawitişê aşitîye wa xo mexapîno. Rojakewtena Mîyanêne de şerêko gird esto û kesê ke tîya cuyenê heme mîyanê nê şerî de yê. Coka ganî şarê ma her hetî ra xo xoverdayîş û şerêkê  zehmetî rê amade bikero. Ya ma bi anorê xo ciwîyene ya zî koletîya bi serran rê xo mehkum kenê. Şarê ma biqerar o.‘‘