Rayberê Şarê Kurdî Abdullah Ocalan û tepişteyê bînî yê Îmraliyî Veysî Aktaş, Hamili Yildirim û Omer Hayrî Konarî ra 40 mengî yo xebere nîna girewtene.  Baroyê Parisî bi eşkerayîyêke astengkerdişê heqê pawitişî yê tepişteyanê Îmraliyî şermezar kerd.

Baroyî da zanayene ke înan 25ê hezîrane de avûkatê Abdullah Ocalanî û tepişteyanê bînan Îmraliyî Rezan Sarica reyde pêvînayîş kerd û derheqê rewşa Îmraliyî de zanayîş girewt û vat: ''Avûkatan tewr peynî 7ê tebaxa 2019î de Abdullah Ocalan zîyaret kerd. Hîrê tepişteyê bînî zî 2015î ra nata nêameyî zîyaretkerdene. 8 avûkatê pawitişî ne fîzîkî ne zî bi telefon û ne zî bi nuştişî nêrasayî muwekîlanê xo. Hemmeslekanê ma vera na bêhuqûqîye û hêrişan Wezîrîya Edaletî ya Tirkî rê mektubê protestoyî şawit. Baroyê Parisî zî yo ke semedê tepişteyanê Îmraliyî qesawet keno,  tewrê protestoyê avûkatan bi.''