Artêşa tirke ya îşxalkere bi hewayêkê sîstematîkî dewanê Başûrê Kurdîstanî vêşnena. Cuwa ver dewanê Berwarî Bala ra dewê Dergelê, Miska û Bazê ameybî vêşnayene. 5ê temmuze ra nata narey dewê Mijê, Kevne Mijê û Spîndarê yê Amêdîye  danê bombayan ver û erazîya herême vêşnenê.

Şarê herême bi keda pîle perey şewat biney girewt binê kontrolî la vizêr saetanê serê sibayî de netcîye bombardumanî de erazî de newera şewat vejîya.

Seba ke destûr nêdîya şar mudaxaleyê şewatî bikero, şewat bi vila û resa merkezê dewe. Xeylêk banî vêşayî. Şewato ke hema nêameyo hewnakerdene çend şino vila beno. Şarê herême xîret keno şewatî hewna bikero la hêzê PDKyî destûr nêdano çew şiro herême. Hetê bînî ra wesayîtê sey  îtfaîye û makîneyê karî ke eşkenê mudaxaleyê  şewatî bikerê,  destûr nêdîyeno înan ke ravîyerê.

Şewat çend şino ver bi merkezê dewan vila beno û selahîyetdarê PDKyî têna seyr kenê û destûr nêdanê şar bi îmkananê xo zî hewna bikero. Ça de şewat gerîyeno binê kontrolî dewleta tirke cade bi bombardumanî şewatê bînî vejena. Tewr muhîm zî qilê Amêdîye ke PDK û artêşa tirke pîya xo tede ca kerd, bombardumanî yenê kerdene.