Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Herêma Geverî;

30 hezîrane û 2ê temmuze de artêşa tirke ya îşxalkere waranê cîya cîyayan ê Geverî de operasyon kerd. Nê operasyonî hetê hêzanê ma ra meyî betalkerdene û îşxalkeran qet netîceyêke nêgirewt. Artêşa tirke ya îşxalkere vana înan operasyonanê Geverî de 3 gerîlayî weş tepiştî û gerîlayêk zî şehîd bîyo. Nê vatişê artêşa tirke bi temamî zûr ê. Na herême de şehîd û ne zî esîrê ma est ê.

Herêma Şehîd Delîlî ya Rojawanê Zapî;

5ê temmuze de  Warê Xoverdayîşî yê Sergelê de wesayîto zirxin ê tîpê Kirpî yê îşxalkeran pê çekanê giranan ame hedefgirewtene. Na çalakîye de 3 îşxalkerî ameyî cezakerdene û wesayîto zirxin ame îmhakerdene. Bi hewayêkê hemwextî Warê Xoverdayîşî yê Girê Amêdîye de îşxalkerî bi pê çekanê giranan û taktîkê suîkastî ameyî pirodayene. Na çalakîye de îşxalkerêk ame cezakerdene. Eynî roje helîkopteranê ke waşt Girê Baharî de leşkeran ronê, hetê hêzanê ma ra ci rê mudaxale ame kerdene. Çalakîye de helîkopterêko skorsky ame derbkerdene û mecbur mend peyser agêro.

Bombarduman;

3,4  û 5ê temmuze de warê Lolan û Kendekola yê herêma Xakurkê, herêma Zapî, warê Şiyê, Kanî Sarkê, Gûzê yê herêma Garê, Warê Xoverdayîşî yê Mîska û Bêşîlî yê herêma Metîna 11 reyî bi teyarayanê şerî dîyayî bombayan ver.

5 û 6ê temmuze de Xakurkê, Metîna  û Herêma Şehîd Delîlî ya Rojawanê Zapî pê helîkopteranê hêrişî dîyayî bombayan ver.''