Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî yê dewleta tirke de eşkerayîye daye û nê pare kerdî:

“Herêma Şehîd Delîlî ya Rojawanê Zapî;

4ê temmuze de Warê Xoverdayîşî yê Girê FMyî de îşxalkerî bi taktîkê sabotajî ameyî pirodayene. Eynî roja Warê Xoverdayîşî yê Girê Cûdîyî de hêzanê ma yê YJA Starî pê çekanê giranan da îşxalkeran ro. Reyna Warê Xoverdayîşî yê Sergelê de îşxalkerî pê çekanê giranan 8 reyî ameyî hedefgirewtene û pirodayene. Nê çalakîyan de kepçeyêk û wesayîtêko zirxin ameyî derbkerdene. Eynî roje Warê Xoverdayîşî yê Girê Amêdîye de zî îşxalkerî hîrê reyî ameyî pirodayene, îşxalkerêk ame cezakerdene û mewzîyêke ameye derbkerdene. Girê Baharî de zî helîkopterê ke waşt herême leşkeran ca bikero, hetê hêzanê ma ra ci rê mudaxale ame kerdene.

Herêma Xakurkê;

4ê temmuze de Warê Xoverdayîşî yê Şekîfî de îşxalkerî bi taktîkê sabotajî ameyî pirodayene.

Herêma Metîna;

27ê hezîrane de bexçeyê dewanê Dergelê, Bazê û Mîska hetê artêşa tirke ya îşxalkere ra dîyayî bombayan ver. Netîceya bombardumanî de şewat vejîya, bexçe û banê dewijan vêşayî. Artêşa tirke ya îşxalkera ke bi wesayîtanê zirxinan kewt dewanê Dergelê, Bazê û Mîska bi vêşnayîşê dewan kena ke dewijan dewan ra vejo û dewan bikero veng.

4ê temmuze de îşxalkerê ke ver bi dewa Mîska şiyênî bi taktîkê sabotajî ameyî pirodayene, 3 îşxalkerî birîndar bîyî.

Hêrişê bi çekanê qedexeyan;

4ê temmuze de tunelê ma yê Warê Xoverdayîşî Girê FMyî  yê Herêma Şehîd Delîlî ya Rojawanê Zapî bi teqaberanê qedexeyan dîyayî bombayan ver.

Bombarduman;

3 û 4ê temmuze de warê Kendekola, Berbizinê yê herêma Xakurkê, warê Girê Zengîl, Çemrobotkî yê herêma Garê, warê Dergelê yê herêma Metîna,Warê Xoverdayîşî yê Girê Baharî yê Zapî pê teyarayanê şerî 30 reyî dîyayî bombayan ver.

4 û 5ê temmuze de Xakurkê û Herêma Şehîd Delîlî ya Rojawanê Zapî pê helîkopteranê hêrişî dîyayî bombayan ver.''