Merkezê Îrtîbatî û Çapemenîye yê HPGyî bi nasnameyê hîrê gerîlayanê ke Avaşîn de şehîd bîyî eşkera kerdî û nê vatî:

''Mîtîlanê qehremanî yê dewaya azadîye ya şarê ma, hemrayê ma Azad, Delîla û Lorîne 2 û 4ê teşrîna verêne ya 2019î de Avaşîn de heta hela peyênê pabesteyê erjanê azadîye mendî û tewrê kerwanê şehîdan bîyî. Ma serrgêra şehadetê hemrayanê xo Azad, Delîla û Lorîne de înan bi hurmet û mînetî yad kenê û reyna soz danê ke ma do waştişê înan bîyarê ca. Ma sere de keyeyanê erjîyayeyan ê hemrayanê xo Azad, Delîla û Lorîne rê heme şarê welatperwerî yê Kurdîstanî rê serweşîye wazenê.

Nasnameyê hemrayanê ma yê şehîdan wina yê:

Nameyê Qodî: Azad Ozgur Name û Peyname: Emrah Gunara Cayê Bîyayîşî:  Wan Maye-Pî: Zahide – İsmet Tarîx û Cayê Şehadetî: 2ê Teşrîna Verên a 2019î / Avaşîn

 

Nameyê Qodî: Delîla Rojevîn Garzan Name û Peyname: Fatma Kiliçarslan Cayê Bîyayîşî:  Bedlîs Maye-Pî: Sureyya – İkram Tarîx û Cayê Şehadetî: 4ê Teşrîna Verên a 2019î / Avaşîn

 

Nameyê Qodî: Lorîne Bîşeng Name û Peyname: Nezahate Çapan Cayê Bîyayîşî:  Şirnex Maye-Pî: Taybete – Yasin Tarîx û Cayê Şehadetî: 4ê Teşrîna Verên a 2019î / Avaşîn

Hemrayê ma Azad qezaya Qelqlî ya Wanî de keyeyêkê welatperwerî de yeno dinya û bi kulturê Serhedî beno pîl. Sey pêro ciwananê kurdan o zî domanîya xo ra PKKyî nas keno û binê tesîrê gerîlayan de maneno. 2014 de verê xo dano koyanê Kurdîstanî û tewrê refanê gerîlayan beno. Perwerdeyê xo yê verênî Herêmê Pawitişî yê Medya de geno. Badê perwerdeyê serkewteyî herêmanê tewr zoran ê Herêmanê Pawitişî yê Medya de gerîlatîye keno.

Hema serra verêne ya pratîkê xo de çalakîyanê vera hêrişê dewleta tirke de ca geno. 2015 de sere û maneyê xo ra birîndar beno. Demê kilmî de beno weş û reyna mewzîyan de cayê xo geno. 2016 de tewrê perwerdeyê leşkerî û îdeolojîkî beno û xo newera afirneno. Hemrayê ma Azad badê perwerdeyî verê xo dano Zagrosan û tîya xeylêk çalakîyan de ca geno.

Hemraya ma Delîla qezaya Tetwanî ya Bedlîsî de keyeyêke welatperwerî de yena dinya keTêkoşînê Azadîye yê Kurdîstanî de bedel dayo. Hema domanîya xo de PKKyî nas kena. Serranê 90yan de gama ke falîyetanê sîyasîyan rayra bena yena tepiştene û raştê îşkenceyî yena. 2013 de badê qetilkerişê Sara, Rojbîne Ronahî qerarê tewrbîyayîşê gena la seba ke waya ci Rojevîne-Evîndare Kiliçarslan tewrê refanê gerîlayan bena a tewrbîyayîşê xo peyde erzena. Peyra firsetê verênî de verê xo danê koyanê Kurdîstanî û Garzan de tewrê refanê gerîlayan bena.

Wextêk tîya de manena û dima ra bi vengdayîşê Rayberîye pîya bi komayanê gerîlayan ke peyser ancîyenê şina Herêmanê Pawitişî yê Medya. Perwerdeyê xo verênî tîya gena. Hemraya ma Delîla 2014 de şerê vera DAÎŞî de ca gena û wird linganê xo ra birîndar bena. Badê tedawî reyna mewzîyan de cayê xo gena. Hemraya ma Delîla wazena şiro Vakur la seba ke 2016 de waya ci Rojevîn-Evîndare Kiliçarslan şehîd bena no waştişê ci qebul nêbeno û a Hermanê Pawitişî yê Medya xeylêk xebatanê stratejîkan kena.

Hemraya ma Lorîne Silopîya de keyeyêkê welatperwerî de yena dinya û rewî ra têkoşînê azadîye nas kena.Gama ke mekteb wanena karekterê qirkerdoxî yê dewleta tirke vînena û seba ke asîmîle mebo dahîna zaf wayîrê ziwanê xo yê kurdkî vejîyena. Seba ke xeylêk merdimê ci yê gerîla est ê, dahîna zaf binê tesîrê ci de manena. Hemraya ma Lorîne 2015 de Cizîra Botan de tewrê refanê gerîlayan bena. Wextê hêrişanê vera Herêmanê Pawitişî yê Medya de mewzîyan de cayê embazanê xo yê xoverdayoxan de ca gena. Badê nê pratîkî tewrê perwerdeyê leşkerî yê pîsporîye bena. Dima ra sey gerîlayêka profesyonelî ya YJA Starî reyna agêrena pratîkî. Xeylêk waranê Herêmanê Pawitişî yê Medya de wextê şerê giranî de rolanê muhîman gena xo ser.''