Milîsanê Azadîye yê Kurdîstanî (MAK) derheqê çalakîyanê xo de eşkerayîyêke daye. Eşkerayîye wina ya:

''Milîsanê ma 2yê teşrîna verêne de saete 22.00 de, taxa Eksî Kişla ya Geverî de da merkezê polîsan ê 75. Yilî ro. Dima milîsanê ma bi teqaberan darbêka girane daye îşxalkeran ro. Mabênê hêzanê ma û polîsan de pêkewtişî qewimîyayî. Teqayîşî ra dima polîsî remayî. Wesayîtê zirxinî zî hêrişê noqtaya milîsanê ma kerd.

Milîsanê ma nêverda ke polîsî wesayîtî ra peya bibê. Saete 22.30 de polîsan dormeyê merkezî girewt û hêrişê taxa Eskî Kişla kerd. Polîsî cewabê milîsanê ma ra dima neçare mendî ke taxe ra şorê. Netîceya çalakîye de xeylêk îşxalkerî birîndar bîyî.

Ma venga her kesî danê ke wayîrê Hemleya Azadîya Rayber Apoyî vejîyê û dêsanê Îmraliyî birijnê.''