Merkezê Îrtîbat û Çapemenîya Hêzê Pawitişê Şarî (HPG-BÎM) îzehetêko nuştekî da û îzehetê xo de da zanayene ke herêma Barzanî ya Başûrê Kurdîstanî û qezaya Qilebanî ya Şirnexî de 10 leşkerî ameyî kiştene.

HPGyî îzehetê xo de dîyar kerdo ke mabênê hêzanê artêşa tirkî ke qezaya Licê ya Amedî de operasyon dabî dest pêkerdene û gerîlayan de pêrodayîş qewimîyayo û netîceyê pêrodayîşî de xeylê leşkerî kişîyayî. Îzehet de ameyo vatene ke 2 gerîlayî seba ke nêkewî destê leşkeran, bombeyê xo xo de teqnayî û şehîd kewtî.

Îzehetê HPGyî wina yo:

BARZAN DE 6 LEŞKERÎ KIŞÎYAYÎ

“Hêzanê ma çarçewaya Hemleya Şorişgêrî ya Şehîd Pîroze û Şehîd Agirî de 23ê êlule saete 6.30 de herêma Barzanî de vera artêşa tirkî de çalakîyêk viraşta. 3 baskan ra dîyayo meterîsê dişmenî ro û netîceyê çalakîye de qaso ke ameyo tespît kerdene, 6 leşkerî kişîyayî. Çalakîye ra dima war hetê obus û hewanan ra ameyo bombarduman kerdene. Netîceyê bombardumanî de rez û bexçeyanê şarî de şewat vejîyayo.

QILEBAN DE 4 LEŞKERÎ KIŞÎYAYÎ

22ê êlule saete 23.30 de hêzanê ma vera leşkerê ke Girê Elemunî yê qezaya Qilebanî ya Şirnexî de ca bîbî de çalakîyêk viraşta. Netîceyê çalakîye de meterîsêk, çadirêk û konteynirêk bi temamî îmha bîyî û 4 leşkerî kişîyayî.

AMED DE OPERASYON Û PÊRODAYÎŞ

Artêşa tirkî 22ê êlule de dormeyê dewa Zengasorî ya qezaya Licê ya Amedî de bi hetkarîya wesayîtanê sîlehinî yê bêmerdiman operasyon dayo dest pêkerdene. 23ê êlule de zî helîkopter û teyarayê artêşa tirkî herême bombarduman kerdî û dima ra leşkerî ronîyayî herême. Ronîyayîşê leşkeran ra dima mabênê leşker û gerîlayanê ma de pêrodayîş vejîyayo. Pêrodayîş de xeylê leşkerî merdî û birîndar bîyî. 2 embazanê ma heta peynî vera leşkeran de şer kerdî û seba ke esîr nêkewtî destê dişmenî, bombeyê xo xo de teqnayî. Ma do dima ra nasnameyê embazanê xo aşkere bikerî. No operasyon 23ê êlule de qedîyayo.”