Wezîrê Weşîye Saman Berzencîyî roja sêşemeyî Hewlêr de kombîyayîşêkê çapemenîye kerd û pare kerd ke 2 kesanê bînan de zî vîrusê Korona Covid-19 ame tesbîtkerdene.

Berzencîyî da zanayene ke temamîya herême de 16 kesan de vîrus ame tesbîtkerdene. Berzencîyî ard ziwan ke 29 herêmanê Başûrê Kurdîstanî de 3 hezar û 64 kesî binê karantîna de yê û testê 2 hezar û 111ê ci negatîf vejîyayî û erşawîyayî keyeyê xo. Berzencîyî vat: ''Mabênê 24 saetanê peyênan de 2 kesan de vîrus ame tesbîtkerdene. Înan ra yew wendekarêko 19 serre yo, o bîn zî kesêko 64 serre yo.''

Wezîrê Weşîye eşkera kerd ke 953 kesî zî binê karantîna de yê.