Vîrusê Korona yo ke Çîn de vejîya werte û pêro dinya de vila bi, Başûrê Kurdîstanî de zî bi semedê mergî.

Şaristanê Silêmanî de vizêr ame tesbîtkerdene ke malayêk de vîrusê Korona esto, mala ewro dinyaya xo bedilnaye.

Malayê Camîyê Mahwî yê Silêmanî Mala Reşîr 70 serre bi û hewteyêk verê cû Îranî ra agêrabi Silêmanî. Yeno vatene ke mala Îran de vîrusê Korona girewto.

Dima ke Îran de Korona bi semedê mergan Başûrê Kurdîstanî de zî dezgehanê weşîye tay tebdîrî girewtî.

Çarçewa tebdîran de merasîmê serweşîye û nimajê îneyî ameybî batalkerdene.

Labelê Karanê Dîyanetî yê Başûrê Kurdîstanî vera nê tebdîran nêrazîbîyayîşê xo mojnabi.