Bayik: Ganî vera îşxalî şarê Kurdî welatê xo canêrverdo

Hemserekê Konseya Rayberdişî ya KCK’yî Cemîl Bayikî ard ziwan ke dewleta Tirkî wazena ke Kurdan qirkerdiş ra ravêrno û va, ‘‘Ganî şarê Rojawanî vera hêrişan xover bido û erdê xo canêverdo.''

Hemserekê Konseya Rayberdişî ya KCK’yî Cemîl Bayikî bale ante polîtîkaya hêrişkare ya dewleta Tirkî ya vera Kurdan ser û va, ''Ganî şarê Rojawanî vera hêrişan xover bido û erdê xo canêverdo. Kurdî do tewr peynî bi xoverdayîş ser bikewê.''

Bayikî xoverdayoxê Rojawanî silam kerdî û va: ‘‘Şervanê QSD, YPG-YPJ'yî  û şarê Vakur û Rojakewtena Sûrîye xoverdayîşêko tarîxî û bianorî danê. Wa nê xoverdayoxî bizanê ke şarê Kurdî û heme merdimê biwijdanî paştî danê înan. Coka ê çend bedelanê girdan bidê û dejanê pîlan biancê zî tewr peynî do ê ser bikewê. Çew nêeşkeno vera nê şerî de videro. Dewleta Tirk çend çeke û teknîkî bişuxulne zî çi rey nêeşkena nê îradeyê bianorî, xoverdayîşî, azadîye û demokrasî bişikne.

Kurdî şerê estbîyayîş û çînbîyayîşî rayra benê. Kurdî ça benê wa bibê deweleta Tirkî semedê înan çînkerdişî şer kena.Kurdî  seba ke çîn mebê,seba nasname, herre, kultur û azadîye xo çiyo ke dest ra yeno ganî bikerê. Kurdan dinya belayo gird ra xelisnaye. Ganî her kes naye vînê û goreyê naye tê bigêro. Bê xoverdayîş yewna rayîrê Kurdan çîn o. Eke Kurdî pêro pîya yew bî û biîrade û qerardarîye rayra şirê, kes nêeşkeno îradeyê înan bişikno. Beno ke dejanê pîlan biancê la do destkewteyê ci zî gird bo. Kurdî zanê ke Tirkîya wazenê Kurdan çîn bikero. Nê semedî ra wayîrê xoverdayîşê anorî yê Rojawanî vejîyena.  Xoverdayîşê anorî rê wayîrvejîyayîş xo rê wayîrvejîyayîş o. Coka Kurdî bedelan genê çim. Peynî de do Kurdî ser bikewê.‘‘