Hemserekê Konseya Rayberdişî ya KCKyî Cemîl Bayikî bi wesîleya serrgêra 41. a ronayîşê PKKyî ajansê ma reyde qisey kerd.

Qiseykerdişê Cemîl Bayikî ra tayî cayî wina yê:

"Rayber Apoyî destpêkî ra nata sey rayber ame qebulkerdene. Kesêkî nêvat ke ey sey Rayber Apo qebul bikê. Ey zî nêvat ke mi sey rayberî qebul bikê. Bi hişmendîya xo, rêxistinîya xo, cuya xo ya bidîsîplînî, tempoyê xo hetê şarî ra wina ame qebulkerdene.Taybetmendîya bingeyêne ya kadroyanê PKKyî xizmetê şarî yo. Qet xo bi nameyê kadro kesêkî ra pîlêr nêvînenê, cuya înan sade ya. Kadroyê PKKyî têna hetê îdeolojîkî ra ney hetê sîyasî ra zî kom bîyî. Nê merdimî cuyêka newîye awan kerde û dormeyê armancêkî de kom bîyî. Çîyê ke ameyî vatêne reya verêne kesayet û cuya xo de kerdêne. Çunke tewrê raştîya Rayber Apoyî bîyî. Apoyîye û PKKyî keyeyanê komunan de her çi kerd. Çunke karakterê milîtananê PKKyî de demokrasîyo komunal esto. Sey şarî ciwîyenê. PKKyî bi rexnekerdişêkê pîlî dest pêkerd, kêmasî û şaşîyê komelê kurdan rexne kerdî. Kesayet û zîhnîyeto mêtinger, faşîst qebul nêkerd. Vera modernîteya kapîtalîste têkoşîn kerd.Pêroyê şarî, dîn û kulturî Rayber Apo sey rayberê xo, PKK zî sey partîya xo vînenê.

Têkoşînê PKKyî zî sey têkoşînê xo yê estbîyayîşî û azadîye vînenê û tede ca gênê. Yewîye û cuya hempare xeta PKKyî ser o vînenê. Vera faşîstan têkoşîn amêye kerdene. Bi şehadetê embaz Hakî Karerî rastîya xopawitişê Kurdîstanî vejîyaye meydan. Bire ameye dayene ke vera bêbextan û xayînan têkoşîn bêro kerdene. Qetilkerdişê embaz Hakîyî ra dima bira partîbîyayîşî ameye dayene. Kesê ke mîyanê nê qetilkerdişî de ca girewt bîyî hedefê ma. Nê çi bawerîyêka pîle daye kadro û şarî. No fikr awan bi û naye ra pey têgêrayîşî qet xayîn û bêbextî efû nêkerdî.

Ferasetê komelî vurîya û sîstemê pedeşahî qels bi. Tewrbîyayîşê cinîyan zêde bîyî û na zî bîye sedem ke komel bivurîyo. Senî ke komelê kurdan bi Rayber Apoyî û PKKyî raştîya xo viste destê xo, cinîyan ê kurdan zî bi sayê Rayber Apoyî û PKKyî nasnameyê xo vist xo destî. Cinîyan destpêkê têkoşînê azadîye de cayê xo girewtî. Bi xoverdayîşê gerîlayan ciwan û kalûpîrî her kes weriştî payan ser. Rayber Apoyî û PKKyî her şehadet seba averşîyayîşî, rêxistinî, têkoşînî kerd gamêke û pare kerd ke 'Şehîd fermandarê ma yê, ma yê ke verê destê înan de yê.' PKK seba şar û azadîye fedayîtî yo. Komelê Kurdîstanî çi qezenç kerd bi şehîdan qezenç kerd û bi wayîrê raştîya şarêkî şerwanî. Netîceyê ney de zaf rewşî vurîyayî. Coka rejîmê faşîstê qirkerî û mêtingerî dest pê hêrişê şehîdan û şehîdgehan kerd. Komelê Kurdîstanî bi nê erjan xo resna nê wextî. Faşîzmê qirker o mêtinger naye ra wazeno kurdan çin biko. Şarê kurdî bi wayîrvejîyayîşê erjanê xo polîtîkayê qirkerdişî do çin biko. Çunke her çi bi destanê şehîdan ame pawitene, pîlkerdene û destvistnene.''