Hemserekê Konseya Rayberdişî ya KCKyî Cemîl Bayikî beşdarê ''Bernameyê Taybetî'' yê Stêrk TVyî bi û rojdemê Kurdîstan, Tirkîya û Rojhelatê Mîyanênî  ercna.

Bayikî vat: ''Dewleta tirke derheqê şewatê Îmraliyî de eşkerayîyêka bêcidîyete kerde. Na zî raştîya dewleta tirke nîşan dana. Seba ke dewleta tirke kurdan ser o sîyasetê zereyî û teberî kena, kurdî seba ci zaf girîng ê. Senî ke şarê kurdî seba ci merkez , Rayber Apo zî seba dewleta tirke merkez o. Nêzdîbîyayîşê bi Rayber Apoyî nêzdîbîyayîşê bi şarê kurdî yo. Rayber Apo rayberê şarê kurdî yo, coka nêzdîbîyayîşê bi ey polîtîk o.Bira caardişê pêvînayîşê bi Rayber Apoyî hetê sîyasî ra yena girewtene. Eke înan Îmrali de şewat vet semedê ci yê sîyasîyî estê, tesadufî nîyo. Suleyman Soyluyî çira wina yew eşkerayîye daye? Waşt ke şarê kurdî, Rayber Apo yan zî PKK biceribno? Ma hema nêzanenê. La hesabê ci yê polîtîkî estê. Coka awil înan şewat vet dima eşkerayîye kerde.

Şewatê Îmraliyî ra dima şarê ma wayîrê Rayberê xo vejîya. Dewleta tirke çend mengan ra dima astengîya pêvînayîşan wedarite. Semedê naye yê polîtîkî estê. Dewleta tirke prosesê hesasî ra derbaz bena. Dewleta tirke mîyanê tengasî de ya, coka neçare mendî ke destûr bidê pêvînayîşî.Tecrîdê vera Rayber Apoyî keno ke polîtîkayê qirkerdişî yê vera şarê kurdî û hêrişê vera hêzanê demokrasîyî yê Tirkîya zêdêr bibê. Eke tecrîd bêro şiknayene polîtîkaya vera şarê kurdî û hêzanê demokrasîyî zî bedilîyena. Rayber Apo seba xo çîyêk nêwazeno seba çareserîye û şaran her çî feda kerdî, seba nînan şer kerd. Coka tecrîd hende bi giran.

Rayber Apoyî vat ke o serra 2019î ra hîna zêdêr bihêz o. Çunke nika Tirkîya de zaf meseleyî, sedemî estê. Dewleta tirke mîyanê tengasîyêke de ya. Eke meseleyanê xo çareser nêkera do çin biba.Rayber Apoyî rayîrê çareserîye mojna înan. La înan Girê Sipî, Serêkanîyê îşxal kerdî. Rojdemê înan de çareserîya meseleya kurdî çin a.Tirkîya bi paştdayîşê DYA û Rûsya kewte Îdlîb, Sûrîye. Tirkîya Îdlîb de ha bin kewena. Dewleta tirke bi sîyasetê xo welat visnena mîyanê tehlukeyî. Eke nê sîyasetî ra fek vera nêda peynîya Tirkîya d bîyara.Seke Rayber Apoyî vat sîyasetê Rojawanî serkewte yo la tay kêmîyî zî estê. Neteweyo demokratîk çareserîya krîzê Sûrîye yo. Nika Rojhelatê Mîyanênî de caardişê naye hende asan nîyo. Coka ganî pêro şarî birêxistin bibê, pawitişê xo bikerê. Eke şarî pîya xo rêxistin bikerê meseleyî çareser benê.

Nika dinya de meseleya multecîyan esta ke hetê sîstemê modernîteya kapîtalîste ra virazîyaye. Tirkîya de na meseleya multecîyan tayêk cîya ya. Tirkîya nê multecîyî kom kerdî Sûrîye ra ardî ke pê înan komanê cergan awan bikera. Seba ke dewleta tirke biresa armancê xo nê multecîyan mecburê xo kena, xebitnena.Hetê ekonomîyî ra zî nê multecîyan ra fayde dî. Dewleta tirke nê multecîyî bêpere yan zî bi oereyê kemî xebitnayî. Dewleta tirke polîtîkaya xo ya Sûrîye ra netîceyêke nêgirewte, nika nê multecîyan vera Ewropa sey çeka şantajî xebitnena.

Ewropa zî nê multecîyan ra tersena ke vana mîyanê înan de endamê DAÎŞî zî estê. Ewropa seba multecîyan pere da Tirkîya. Erdogan polîtîkaya multecîyan de tay netîceyî girewtî. Hêrişê vera kurdan zî nê netîceyan ra yew bi. Ewropa bi nê hawayî bîye hempara polîtîkaya qirkerdişî ya dewleta tirke.Erdogan multecîyan ser o Ewropa ra xeraç gêno. Înan seba multecîyan Ewropa ra zaf pere girewti, lqa nê pereyî seba multecîyan xerc nêkerd. Eqsê ci keda multecîyan werde, nêheqîye kerde. Nika zî dewleta tirke şantajê xo dewam kena. Multecîyî nika zî kom kerdî berdî verê sînorî.Îqtîdar bi nê şantajî keno ke Ewropa paştî bida polîtîkaya ci ya Sûrîye û îqtîdar de bimano. Ê pê hesîyayî ke hînî peynîya înan ameya. ''