Rêxistina HDPyî ya Amedî vizêr qezaya Bismilî de kombîyayîşêk kerd. Hemserekê Pêroyî yê DBPyî Keskîn Bayindir, Hemsereka HDPyî ya Amedî Gulîstane Aksoy û xeylêk hemwelatîyî tewrê kombîyayîşî bîyî.

Keskîn Bayindirî qiseykerdişê xo de verî Şêx Seîd û embazê ci yad kerdî û îfade kerd ke Şêx Seîd û embazanê ci qetî verê dişmenî de milê xo çewt nêkerd. Bayindirî vat: ''Embaza ma Salîha Aydenîz zî do sey Şêx Seîdî milê xo çewt nêkera. Ewro kurdî têkoşînê Şêx Seîdî rê dewam kenê.''

Bayindirî bale ante krîzanê welatî ser û vat: ''Eke Tirkîya wazena krîzan ra bixelisa ganî Abdullah Ocalanî de muzakere û pêvînayîş bikera. Çareserîye Îmrali de ya. Rayraşîyayîşê Gemlîkî rayraşîyayîşêko tarîxî bi. Coka AKP-MHP HDP û DBPyî keno hedef.''

Hemsereka HDPyî ya Amedî Gulîstane Atasoy zî venga her kesî da ke wa 3ê temmuze de Anqara de tewrê kongreya partîye bibo.

Heyetê HDP û DBPyî kombîyayîşî ra dima vilawekî vila kerdî û seba kongre venga merdiman da.