Bazirganê merdiman ê ''Scorpin'' (Barzan Mecid) dima ke xeberêka BBCyî de cayê ci eşkera bi Başûrê Kurdîstanî de tepişîya. Hêzanê Asayîşî yê Başûrî bi eşkerayîyêke da zanayene ke bazirganê merdiman 12ê gulane de tepişîyayo.

Vervatoxê Hêzanê Asayîşî Selam Abdul Haliqî AFPyî rê qisey kerd û pare kerd ke waştişê Interpolî ser o no kes Silêmanî de tepişîyayo.

Barzan Mecidî 2016 de wextê pêlê koçberîya ver bi Ewropa de BBCyî rê qalê bazirganîya merdiman kerdbî. BBCyî nê detayî selahîyetdaran de pare kerdî.

Şebekeya Mecidî ra 26 kesan Îngilîstan, Belçîka û Fransa de ceza werde. Mehkemeya Belçîja zî 2022 de bi hawayêkê giyabîyî cezaya zîndanî dabî Mecîdî.