Gerîlayanê YJA-Starî û HPGyî serrgêra 28. ya şehadetê ci de gerîlaya PKKyî Bêrîtane  yad kerde û ANFyî rê qala ci kerde.

Gerîla Hêvîdare Xerzan: ''Embaze Bêrîtane b, têkoşîn û şehadetê xo verê ma de xetêke akerde. Embaze Bêrîtane mojna ke vera bêbextan ganî senî têkoşîn bêro kerdene. Ma 28 serrî yo ke xeta Bêrîtane ser o şinê. Hetê bînî ra embaze Bêrîtane seba artêşbîyayîşê cinîyan zî kedêka pîle daye. Ewro xeta Bêrîtane de têna cinîyî nê pêro komel şino. Tewr peyên embazê ma Şehîd Rûstem Cûdîyî teslîmîyet qebul nêkerd û xo kendalî ra eşt war. Ma sey milîtananê Apoyî wazenê na xete ser o şorê û şer bikerê. Seke embaze Bêrîtane vatbi 'oyo ke cuya mi awan keno şerê min o, şer bi xo awankerdiş o.'

Gerîla Newale Egîd: ''Ma embaze Bêrîtane bi mînetî yad kenê.Embaze Bêrîtane qet şaşî û kêmasî qebul nêkerdî. Vera dişmenî tewirê xo mojna. Embaze Bêrîtane teslîmîyet qebul nêkerd û heta fîşekê xco yê peyênî şer kerd. Ma sey cinîyan raştîya Bêrîtane ser o şorê. Ma bi ruhê Bêrîtane do bibê xurtêr û sey aye nê rayîrî de biresê armancê xo. Ez verê vîrameyîşê aye de sereyê xo ana war. Ma do bi ruhê serekatîye ser bikewê.''

Gerîla Şahan Demsal: ''Şehadetê Bêrîtane seba pêro cinîyan zaf girîng û tarîxî yo. Şehadetê aye dewirêko newe akerd û cinîyî bîyî artêş. Embaze Bêrîtane ewro zî raybera têkoşînê cinîyan a. Ewro planê tasfîyekerdişê PKKyî dewam kenê. Ma vera nê planan tewirê Bêrîtane bimojnê. Şehadetê Bêrîtane serkewtiş û çalakîyêka pîle bi. Aye xo teslîmê dişmenî nêkerd. Ma sey gerîlayanê HPGyî do wayîrê mîrasê aye vejîyê. Ma do xeyalanê şehîdan bi serkewtişî tacîdar bikerê.''