Welatperwero vakurij Zekî Mihemed Çelebî Silêmanî de bi hemkarîya PDKyî hetê MÎTî ra dîya guleyan ver û şehîd bi. Cenazaya Çelebîyî wedarîya Dezgehê Tipê Edlîyî yê Silêmanî. Bi hezaran kesan verê Dezgehê Tipê Edlîyî de sloganê sey 'Bimiro îxanet', 'Şehîdî nêmirenî' vatî.

Nameyê Komeleya Karkeranê Mezopotamya ser o Musa Çîftçîyî eşkerayîyêke daye û bale ante hêrişanê terorî yê serê Vakurê Kurdîstanî ser.Çîftçîyî ard ziwan ke Başûr de xeylêk reyî hemwelatîyê Vakurê Kurdîstanî raştê hêrişan yenê û vat: ''Nika ra verî zî embaz Şukrî Serhed raştê hêrişê terorîstî ame û şehîd bi. Reyna ciwanêko bîn raştê hêrişî ame. Vizêr (perey) şewe zî embaz Zekî ame hedefkerdene.''

Dima cinîya Zekî Mihemed Çelebîyî qisey kerd û vat: ''Berpirsê nê hêrişê terorî Hukmatê Herêmî yo. Ez venga hukmatî û asayîşî dana ke cade nê hêrişî zelal bikerê û kuştoxan ceza bikerê. Ez pê şehadetê Zekîyî sereberz a. Ez do domananê xo, pê fikrê şehîd Zekîyî pîl bikera.''

Wina pawîyeno ke cenazaya Çelebîyî do bierşawîya Vakurê Kurdîstanî.