Dewleta tirke Rojawan, Başûr û Vakurê Kurdîstanî de xoza talan û qir kena. Vakurê Kurdîstanî de par herêmanê Besta, Cûdî û Gabarî de qirkerdişê daran qewimîyabi û hema zî no qirkerdiş dewam keno. 

Binê çimdarîya leşkeran de her roje hîna zaf darî birîyenê.

Bi taybetî herêma Besta ya mabênê Şirnex û Sêrtî de qirkerdişê daran zêdîya. Darê Besta birîyenê, pê traktoran arê dîyenê, pê TIRan bar benê û seba rotişî erşawîyenê şaristananê bînan.

Wina zanîyeno ke herêma Besta de heta ewroyî bi hezaran tonî darî birîyenê. 

Nê herêmî zî herêmê neweyî yê qirkerdişê daran ê: Keniyamîr, Birateto, Birapeşo, Deyndarok, Cinîwer, Belûzer, Rîsor, Serêrû, Tîkera, Qûrteka pêşya, Girêdeyincê, Şerevan, Xirtkbestê û Navyan.

Darê nê 14 herêman herêma Navyonî ya Koyê Cûdîyî de arê dîyenê, tîya ra pê TIRan erşawîyenê şaristananê bînan.