Elkê ya Şirnexî de leşkerê ke bi wesayîtanê zirxinan ameyî kiriştene gama ke waştî bi unîformayanê xo rayanê xo bişuxulnê hetê wezîfedaranê sindoqe yê HDP’yîyan ra ameyî hîşyarkerdene, naye ser ê mecbûr mendî ke unîformayanê xo vejê û wina raye bişuxulnê.
Qeydê leşkeranê ke qalê înan yeno kerdene verê weçînitişî bi hawayêkê bêusûlî ameybî kiriştene bi merkezê Şirnexî û Elkê.
Leşkerê ke yewîyanê xo ra bi wesayîtanê zirxinan ameyî ardene waşt ke bi hawayêkê pêserî dibistanan de rayan bişuxulnê.
Leşkerî bi konvoyo ke bi desan wesayîtanê zirxinan ra yeno pê arîyayî bi Dibistana Edîp Başarî, balkêş bi ke seba înan tedbîrê polîsîye û leşkerîyî yê kesifî ameybî girewtene.
Rojnamegeranê ke waştêne wextê raydayîşê leşkeran qeyd bikerê zî ameyî astengkerdene.
Ame zanayene ke Kasrîko ke pabesteyê merkezê şaristanî yo û zafane qorucîyî tede manenê ûca zî seba vernîgirewtişê raydayîşê weçînitoxan zextî yenê kerdene. Dibistanan de bîyayîşê bi desan leşkeranê ke înan dir sîlehê namlûdergî estê beno sebebê reaksîyonî.
Qezaya Elkê de zî leşkerî bi hawayêkê pêserî, bi wesayîtanê zirxinan arîyayî dibistananê ke do raye bişuxulnê. Ame dîyene ke hemeyê leşkeran biunîforma yê.
Gama ke ame famkerdene ke nê leşkerî wezîfedarê fermîyî nêyê hetê wezîfedaranê sindoqe yê HDP’yîyan ra ameyî hîşyarkerdene. Naye ser leşkerî mecbûr mendî ke unîformayanê xo vejê û wina rayê xo şuxulnayî.
