Merkezê Îrtîbatî û Çapemenîye yê HPGyî bîlançoya şerî ya 5 mengan bi eşkerayîyêke pare kerde. Eşkerayîye wina ya:

''Hêrişê îşxalî yê dewleta tirke ya kolonyalîste yê seba îşxalê Zap, Avaşîn û Metîna 5 mengî xo pey de verdayî. Artêşa îşxalkera ke vatêne qey cade biresa armancê xo ginaye dêsanê xoverdayîşê fedayî yê Apogîrî yê gerîlayanê azadîye. Gerîlayanê azadîye terzê şerê tunelan û tîmanê hereketînan bi hawayêkê bitesîrî û pê taktîkanê afernayoxan ardî ca, her roje çalakîyî kerdî û bi nê hawayî plan û hesabê artêşa îşxalkere tarûmar bîyî. Artêşa tirke naye ra têgêrayîşê îşxalî hîra kerd, seba ke tengîye ra bixelisa her ke warê hêrişanê xo hîra kerdî zî hîna zaf teng bîye.

2004 reyî sûcê dewleta tirke ameyî belgekerdene

Dewleta tirke seba ke biresa armancê xo pêro îmkanê xo bi hawayêkê bêperwayî vera waranê xoverdayîşî şuxilnayî. Teyarayanê şerî ra heta droneyanê çekdaran, helîkopteranê hêrişî ra heta tank, top û wesayîtanê zirxînan pêro îmkanî vistî dewre., her roje Warê Xoverdayîşî dayî bombayan ver, leşkeranê kîrakerdeyan ra heta komando, kontrayan, yewinanê taybetan pêro hêzê paramîlîter û resmîyî seferberd kerdî. Dima ke nînan ra netîce nêgirewte zî artêşa îşxalkere dest eşt çekanê qedexeyan ê sey bombaya fosforî, bombaya termobarîkî, bombaya nuklere ya taktîkî. Dewleta tirke 2004 reyî sûcê şerî kerdî û nê sûcî hetê hêzanê ma ra ameyî belgekerdene. Rixmê nînan zî artêşa îşxalkere ser nêkewte û derbê pîlî werdî. Çew biewno bîlançoya nê şerê 5 mengan vîneno ke artêşa tirke mîyanê binkewtişêkê eşkerayî de ya.

105 embazê ma şehîd bîyî

Asan nêbi ke hêrişê îşxalî û armancê artêşa îşxalkera ke destekê hêzanê mîyanneteweyîyan û hemkaranê xayînan girewto, bêrê astengkerdene. Gerîlayanê azadîye pê fedakarîyêka pîle her çîyê xo vet werte, xoverdayîşêko destanawarî kerd. Xoverdayîşê ma yê nê panc mengan bi perwerîya Rayber Apoyî, şehîdan û şarê ma yê mazlûmî; bingeyê qerardarîya qetî, bawerîya serfîrazîye, ruhê fedayî û îradeyê Apogîrî de ame viraştene. No prosesê xoverdayîşî hetê qîyasê îmkan, hûmare û teknîkê şerî ra şeran tewr neheq û bênîsbetan ê tarîxî ra yew o la gerîlayî pê tewrbîyayîşê fedayî heqê nînan ra ameyî. Pêro embazanê ma mîyanê xoverdayîşî de performanso tewr berz mojna, terz û taktîkî bi raştî ardî ca. Nê panc mengan de 105 embazê ma şehîd bîyî ke înan bedelî dayî, serkêşîya prosesî kerdî û destanê qehremanîye nuşt.

10 helîkopterî ameyî warvistene, 2132 îşxalkerî ameyî cezakerdene

Hetê tîmanê ma yê hereketînan û tunelan ra taktîkê hêzanê pawitişê hewayî, operasyonanê şorişgêran, dafike, sereştiş, dekewtiş, sabotaj, suîkast, derbkerdiş-pêkewtiş, koordînekerdişî bi hawyaêkê serkewteyî ameyî caardene û 1881 çalakîyî ameyî kerdene, 2132 îşxalkerî ameyî cezakerdene û 10 helîkopterî ameyî warvistene. Seba ke hûmara îşxalkeranê zereyê helîkopterî tam nêzanîyena daxîlê nê reqaman nêameye kerdene. Dewleta tirke hûmara kişteyanê xo nimnena û reyna xo verdena mîyanê zûran. La no proses hetê hêzanê ma ra ame belgekerdene, dîmenê ci ameyî qeydkerdene, nameyê îşxalkerdeyanê ke ameyê cezakerdene ameyî qeydkerdene û rayaumûmîye de nê çîyî ameyî parekerdene. Dîmenê 43 çalakîyan Gerîla TVyî de weşanîyayî.

Rixmo ke artêşa tirke ya îşxalkere tarîxê xo de vînîbîyayîşê tewr pîlî dayî hema zî armancê xo yê îşxalî û şer de israr kena. Vera ney zî xoverdayîşo destanwarî yê hêzanê ma dewam keno. Na çarçewe de şerî 5 mengî xo pey de verdayî û hema zî têkoşînêko bêeman yeno kerdene.

Bîlançoya 5 mengan

Bîlançoya şerî ya mabênê 14ê nîsane-14ê êlule wina ya:

Çalakîyê ke hêzanê ma kerdê:

-1881 çalakîyî ameyî kerdene

Netîceya çalakîyanê hêzanê ma de;

-12ê ci kontra, 13ê ci leşkerê payeberzî 2123 îşxalkerî ameyî cezakerdene.

-290 îşxalkerî birîndar bîyî.

Goreyê tesbîtanê hêzanê ma sere de Warê Xoverdayîşî Herêmê Pawitişî yê Medya;

-3274 reyî pê teyarayanê şerî û 3185 reyî pê helîkopteranê hêrişî dîyayî bombayan ver.

- Çeper û tunelê şerî 2004 reyî pê çekanê qedexekerdeyan (bombaya fosforî, bombaya termobarîkî û bombaya nuklere ya taktîkî) û pê çekanê kîmyewîyan dîyayî bombayan ver.

Çek û malzemeyê ke dest nîyayo ser:

- 10 çekê MPT-55

- 4 çekê AK-47

- 3 çekê G-3

- 3 çekê bombaeştişî

- 2 çekê M-16

- 2 çekê HK-416

- Çekêka BKC

- Çekêka B-7

- Çekêka MPT-66

- 4 debanceyî

- 4 fîşekê bombaeştoxan

- 848 fîşekê M-16 û BKC

- 18 bombayê destan û gelek bombayê dûyî

- 4 êlegê hêrîşî (pola)

- 4 tirsî

- 2 Rext

- 9 Şarjor

- 7 Dûrbînê şewe û roje

- 3 Dûrbînê Termalî

- 3 cîhazê lazerî

-2 cîhazê çeke yê lazerî

- Kamerayêka Termalî

- Dûrbînêka lazerî

- 4 Sîstemê Kamera yê Mobesse

- 3 Kamerayê serê sereyî

- Sîstemêkê radarî

- 24 kg teqaberî

- 4 Mayinî

- Cîhazêkê teqnayîşê mayînî

- Dedektorêkê Mayînî

- 6 telefonê destan

- 3 Cîhazê bêtêlî

- Panelêkê enerjî

- Pusûlayêke

- 4 Kardî (Kasatûra)

- 6 Çenteyê leşkerî

- 2 xeymê Leşkerî

- 2 Kaskî

- 9 Fenerê Destan

- 2 Cîhazê UPSyî

- Çimeyêkê enerjî

Çek û malzemeyê ke hêzanê ma îmha kerdê;

- 7 helîkopterê Skorskyî

- 3 helîkopterên hêrişî

- 2 Tankî

- 15 wesayîtê zirxînî

- 3 Kepçeyî

- 50 Sîstemê Kamera yê Mobesse

- 42 Droneyî

- 7 Radarî

- 5 Kamerayê Termalî

- 2 Teleskopî

- 3 Cîhazê Têmîyankerdişê Sînyalan (Jammer)

- 3 Sensorê têgêrayîşî

- 2 Cîhazê guhdarîkirinê

- Kameraya fotografan

- Konteynirêk

- 78 Çeperî

- 22 xeymê leşkerî

- Kamelyayêke

- Sîstemêkê Vurnayîşê Gazê Kîmyewî

- Cebilxaneyêk

- 5 çekê A4

- 2 çekê BKC

- 60 kg Teqaberî

- 5 Dafikê teqnayîşî

Wesayîtê leşkrî yê ke hêzanê ma derb kerdê:

- 39 helîkopterê Skorskyî

- 31 helîkopterê hêrişî

- 16 çeperî

- 12 droneyî

- 9 kepçeyî

- 4 wesayitê zirxinî