Serra 2011î de Wan de û qezayanê ci de di erdlerzî qewimîyayî û dejê înan hema zî nêvîyartî. Bi seyan bînayî estê je erdlerzanê 2011î de xesarêko pîl girewt. Yeno vatene eke erdlerzêko bi şîdetê asta mîyanêne de biqewimîya nê bînayî do birijîyê û bibê semedê mergê merdiman.

Erdlerzê bi şîdetê 5.7î de ke şaristananê Xoy, Salmas û Kotolî yê Rojhelatê Mîyanênî de qewimîya qezaya Elbakî ya Wanî de 10 kesî merdî, bi desan kesî birîndar bîyî û bi seyan bînayî û keyeyî rijîyayî.

Bînayê bixesarî cayê bitehlûkeyî yê. Qezayanê Rêya Armûşî, Tûşba, Artemêtan û Erdîşî yê Wanî de het taxe û kuçe de bînayê bixesarî estê. Şarê Wanî yo ke nê bînayanê bixesaran de ciwîyenê terseno û qerqilîyeno.

Eke nê bînayê bixesarî birejî do bi seyan merdimî wefat bikerî. Şarê Wanî zaf reyî muracat kerd la heta nika derheqê babete de gamêke nêameye eştene. Merdimê ke bînayanê înan de xesarêko pîl esto nêeşkenê bi îmkananê xo yê madîyan bînayanê xo bidê rijnayene.