Qezaya Şaxî ya Wanî de leşkeranê tirkî 11ê êlule de hemwelatîyê bi nameyê Osman Şiban û Servet Turgut destbend kerdî û dima helîkopterî ra eştî war. Pîyê 7 domanan Servet Turgut (55) yo ke badê 20 rojan ewro dinyaya xo bedilnayebî, ame definkerdene.

Birayê Turgutî Naîf Turgutî ke tehzîye de qisey kerd vat: Ma rê zulmo pîl ame kerdene. Birayê mi keyeyê xo ra vejîya şi dewa xo ke hêga de vaşê xo arê do. Tede têna yewe goçîne estbî. Kesêko feqîr bi. Zalim nêbi, mehsum bi.  Hûma mela nê wehşetî qebul mekero. Bi hawayêkê wehşîyî birayê mi qetil kerd, senî ke zerrîya ma vêşaye mala ya înan zî wina bivêşe. Birayê mi helîkopterî ra eşt war û şehîd kerd. Ma veng da heme dinya ke na bêhuqûqîya ke ma rê bîye wa kesê bînî rê mebo. Hûmayî ma pêro sey merdimî/e afernayî. Hûma hetê zulmî de nîyo, şima zî mebê. La nê merdimî ma zereyê dewa ma de mirênenî. Na herra ke tede ma rê îşkence yeno kerdene herra ma ya. Hûma wa naye qebul mekero. Hûma wa nê zulmî û wehşetî qebul mekero.