Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

" 13ê teşrîna peyêne de  artêşa tirke ya îşxalkere herêma Girê Hiro ya herêma Cûdî ya Botanî de operasyon da destpêkerdene.  Hêzanê ma artêşa tirke ya îşxalkere girewt binê kontrolî. Îşxalkeranê ke waşt pîya bi xayînan bikewê nuqtayanê verênan ê gerîlayan 15ê teşrîna peyêne de nuqtaya Şehîd Şayanî de ginayî xapî ro û bi taktîkê sabotajî ameyî pirodayene. Çalakîye de tewr tay 3 îşxalkerî ameyî cezakerdene.  Eynî wextî de îşxalkerê ke ameyî Girê Şehîd Firatî ê zî pê taktîkê sabotajî ameyî pirodayene, îşxalkerêk ame cezakerdene û 2 îşxalkerî birîndar bîyî. Nê çalakîyî hetê hêzanê ma yê YJA Starî ra semedê selamkerdişê têkoşînê xoverdayoxanê tunelanê şerî ameyî kerdene.

13ê kanûne de herêma Çemçoyî ya bajarekê Şêladizê ya Amedîyê de dormeyê mewzîyanê xoverdayîşî yê gerîlayan de îşxalkerî pê çekanê giranan  û takdîkê suîkastî ameyî pirodayene û 5 îşxalkerî ameyî cezakerdene û 2 îşxalkerî birîndar bîyî.

Artêşa tirke ya îşxalere 13ê kanûne de herêma Çemçoyî ya bajarekê Şêladizê ya Amedîyê de dormeyê mewzîyanê xoverdayîşî yê gerîlayan de duyê axuyinî vetî verê ci da mewzîyan.  Reyna Warê Xoverdayîşî yêê Girê FM, Çemço,Sîda û erazîya Girnê Dirê ya Garê û warê Golka û Girê Ortê yê Metîna pê teyarayanê şerî, tanq û çekanê giranan dayî bombayan ver. ”