Hemsereka Pêroyî ya Partîya Şaran a Demokratîke (HDP) Pervîn Buladane şayîya weçînitişî ya Amedî de  qisey kerd. Buldane vat ke Kurdan dersêka girde daye îqtîdarî.

Buldane  bi parlamenterê HDP’yî yê Amedî Dersîm Dage, Murat Sarisaç û Tayîp Temel ê ke  3’ê Adare ra semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye de yê û namzeda hemşaredarîye ya Bajarê Pîlî ya Amedî Hulya Alokmen Uyanike ya pîya şar o ke semedê pîrozkerdişê  serkewtişê weçînitişî verê banê HDP’yî de amebi pêser, silam kerd.

Buldane serkewtişê şarî pîroz kerd û va: ‘‘Îqtîdar bi heme hêzê xo çi ke dest ra ame kerd. Bi hêrişan waşt ke vernîya ma bigo. La ewro ma  vînenê ke vera polîtîkaya qeyûmî Kurdî ser kewtî. Îqtîdar vîndî kerd. HDP’yî  her ca de qezenc kerd. Hêzanê demokrasîyî qezenc kerd. Ma nê serkewişî şexsê Leyla Guvene de heme çalakwananê grevê vêşanîye rê kenê dîyarî.

Ma dersêka girde daye îqtîdarî

Buldane wina dewam kerd: ‘‘Ma tena tîya ser nêkewtî, ma Tirkîya de zî derse daye AKP’yî. Ma bajaranê girdan de namzedî nêvetî û paştî daye yewîyanê hêzanê demokratan û dersêka girde daye îqtîdarî. AKP ganî na derse hole fam biko. Şarê ma mesajê, na herre ya ma ya, no welat ê ma yo da.‘‘

Şirnex ame xespkerdene

Buldane bale ante kayanê leyminan ê AKP’yî ser û wina va: ‘‘Ma Şirnex, Dêrsim  û Agirî de vîndî nêkerd.  Nê bajaran ser o zaf kay ameyî kaykerdene. Her qeyde xîleyî ameyî kerdene.  Tena seba Şirnex 12 hezar kesî ke raye şuxulnenê ameyî şawitene.  Şirnex wina ame xespkerdene. Şirnex, Agirî û Dêrsim de şar kewto ser.

Amed yê ma yo

Hinî eşkerayo ke heta ke AKP na polîtîkaya bêçareye rê dewam bikero vîndîkerdiş rê mehkum o. Şarê Amed bi şima sereyê ma berz o. No serkewtiş ê şima yo. Ma do xoverdayîşê xo bidomnê . Serkewtiş yê ma yo, Amed yê ma yo.‘‘