Seba azadîya Rayberê Şarê Kurdî Abdullah Ocalanî û çareserîya meseleya kurdan Rayraşîyayîşê Azadîye yo Pîl di baskan ra dewam keno.

Baska Qersî ewro resaye Çewlîgî. Dekewtişê şaristanî de xeylêk merdiman raywanî bi sloganan pêşwazî kerdî. Dima Raywananê Azadîye şarî reyde ver bi merkezî rayraşîyayîş kerd û eşkerayîye daye.

Serekwekîla Grûba DEM Partî Gulîstane Kiliç Koçyîgît tîya de qisey kerd. Koçyîgîte pare kerd ke ziwan û tarîxê kurdan hema zî yenê înkarkerdene û vat: ''100 serrî yo feraseto tekperest dewam keno. Ma vera nê ferasetî rayraşîyayîşê xo kenê. Seba çareserîya meseleya kurdan ganî Birêz Abdullah Ocalanî de dîyalogî bêrê kerdene. Heta ke berê Îmraliyî anêbê demokrasî û haştîye do nêra welatî. 

Abullah Ocalanî ra xeberêke nêna girewtene, nêzanîyeno ke weşî û rewşa ey senîn a. Ma wayîrê îradeyê haştîye vejîyenê. Eke şima raşta zî demokrasî wazenê berê Îmraliyî abikerê. Eke şima raşta zî haştîye wazenê, azadîya Birêz Ocalanî bîyarê ca.''

Bernameyê Çewlîgî bi govendan qedîya.