Wan, Mûş û qezaya Farqînî ya Amedî de leşker û polîsan hêrişê goranê gerîlayan kerd û verê çimanê keyeyanê goran de kerrayê goran şikitî. Vera nê hêrişî nêrazîbîyayîşî dewam kenê. Mala Mehmet Emîn Kiliçî da zanayene ke ganî baş bêro zanayene ke cayê nê hêrişanê vera goran felsefeya dînê Îslamî de çin o.

Mala Mehmet Emîn Kiliçî vat: ''Pêxemberê ma wexto ke cenazayêke yena berdene werzeno xo ser. Merdimê ke dorme de bîyî vanê 'A cenazaya yahûdîyêkî ya'. Pêxember vano 'La merdim nîyo?' Hûrmetê seba cenazayan hetê pêxemberî ra ame teşwîqkerdene. Bêhûrmetîya seba cenazayan wextê abbasî û emewîyan ra yena. Wextê Osmanijan de zî na bêhûrmetîye dewam kerd. Nika zî îqtîdarê AKP-MHPyî na polîtîka û hîşmendîya ano ca. Ma şerê xoserîye, şerê xoverdayîşê Cizîr, Nisêbîn, Şirnex, Hezrex, Farqîn, Sûrê Amedî de zî barbarîya înan dîye. La no îqtîdar nêeşkeno pê nê zulman hînî pay ser vindero. Peynîya înan do biba sey peynîya Fîravun, Karûn, Nemrûd, Hîtler û Saddamî.

Ma reyna pare kenê ke hêrişê vera cenaza û goran kerdişêko bêmerdimîye yo. No kerdiş layîqê seserra 21. nîyo û ma ney bi xurtî şermezar kenê.''