Cenazaya Erhan Olçeno ke qezaya Licê ya Amedî de 3ê kanûne de şehîd kewt 96 rojî yo Nêweşxaneyê Perwerde û Cipersayîşî yê Gazî Yaşargîlî yê Amedî yena tepiştene.

Babîyê Olçenî Azîz Olçenî vat: ''Rixmo ke mi fotografanê lajê xo ra o teşhîs kerd cenazaya ma nêda. Dima ra 20ê çeleyî de ma testê DNA viraşe la reyna zî cenazaya nêameye dayene. Lajê mi wexto ke unîversîte de bi hîrê serrî zîndan de mend, coka qeydan de rêça engişta zî miheqeq esta. La rixmê naye 3 aşmî yê cenazaya ma nêdanê ma. Mi muracatê dozgerîye kerd mi ra vanê muxatab ti nêyî. O lajê mi no xora muxatap ez ganî kam bo?. Qereqol de zî ma raştê tehdîtan ameyî. Çîyo winayên qet yew dîn û bawerîye de çîn o.''