Gerîlayê Azadîye yê Kurdîstanî Bahoz Çîyayo  (Erdal Marangoz) ke 2ê gulane de Nisêbîn de şerê dewleta tirke yê vera Bagokî de şehîd bibi, cenazaya ci badê çar aşman dîyaye keyeyê ci.

Rixmo ke cenazaya Çîya hetê keyeyê ci ra amebî teşhîskerdene, seba ke netîceya testê DNA safî nêbîya, cenazaya ci qezaya Artuklu de mezalanê bêkesan ê Mezalanê Bajarî yê Kamorî de amebî definkerdene. Bado ke netîceya testê DNA zelale bi cenaza dîyaye keyeyî.

Merdimê Bahoz Çîyayî vizêr serê sibayî Wanî ra ameyî Mêrdînî û cenazaya xo girewt. Cenaza heta şanî nêdîyaye keyeyî. Bado ke bi tarî cenazaya ameye teslîmkerdene. Keyeyî cenazaya xo girewt û semedê semedê definkerdişî berde Wan.

Cenazaya şehîdî Qerqelî de binê ablûqaya polîsan de ameye definkerdene. Polîsan nêverda teberê keyeyî de kesêk tewrê merasîmê cenaza bibo.