Merkezê Îrtîbatî û Çapemenîye yê HPGyî nasnameyê di gerîlayan ke şehîd bîyî, eşkera kerdî û nê vatî:

“Têgêrayîşê ma qerarê vindarnayîşê çalakîyan girewt. Rixmê nê qerarî dewleta tirke ya îşxalkere hêrişê Herêmanê Pawitişî yê Medya kena. Hêrişê 21ê nîsana 2023yî yê vera Zapî de hemraya ma Vîyane Ozgur şehîde bîye. Hemraya ma Vîyane Ozgur sey mîlîtanêka serkêş a YJA Starî, bi tewirê xo yê fedayîtîyî semedê heme embazanê xo bîye nimûne.

Nasnameyê hemraya ma Vîyane Ozgur wina yo:

Nameyê Qodî: Vîyane Ozgur Name û Peyname: Serkeftine Demir Cayê Bîyayîşî: Maxmûr  Maye-Pî: Xatûne – Sediq Tarîx û Cayê Şehadetî: 21ê Nîsana 2023yî / Zap

Hemraya ma Vîyane Maxmûr de yena dinya, bi kulturê welatperwerîye bena pîl û hema domanîya xo ra partîya nas kena. Seba ke wayêka ci têkoşînê azadîye de têkoşîn kena, no aye ser tesîr keno û  wazena pîya bi waya xo têkoşîn bikero. Gama ke hêrişê DAÎŞî yê vera şarê ma zêdîyenê a verê xo dana koyanê Kurdîstanî û tewrê sefanê gerîlaya bena. Perwerdeyê xo yê verênî Qendîl de gena û wextê tîya pratîk rayra bena. Dima verê xo dana Zapî. Seba ke xo xeta Zîlan û Bêrîtanan de zafêr aber bêro,  tewrê xebatanê Hêzanê Taybetan bena.

Ma eşkerayîya xo ya 13ê gulana 2023yî de dabi eşnawitene ke 2ê gulana 2023yî de Bakogê Mêrdînî de mabênê hêzanê û dişmenî de pêkewştişî qewimîyayî û hemrayê ma Bahoz Çîya Şehîd bîyo. Hemrayê ma Bahozo ke bi qerardarîye û qehremanîya girde şi dişmenî ser, sey temsîlkarê xeta têkoşînî ya partîya ma bi bêmerg.

Nasnameyê embazê ma Bahoz Çîyayî wina yo:

Nameyê Qodî: Bahoz Çiya Name û Peyname: Erdal Marangoz Cayê Bîyayîşî: Wan Maye-Pî: Saliha – Zemîrhan Tarîx û Cayê Şehadetî: 2ê Gulana 2023yî / Mêrdîn

Hemrayê ma Bahoz Qelqelî de yeno dinya û bi kulturê welatperwerîye beno pîl. Hema domanîya xo ra têgêrayîşê azadîye nas keno, vera polîtîkaya asîmlasyonî ya dişmenî xo aver beno û wayîrê ercanê welatperwerîye vejîyeno. Hemrayê maBahoz 2014 de verê xo dano koyanê Kurdîstanî û xeyalanê xo yê domanîye ano ca. Avaşîn de perwerdeyê şervananê neweyan geno û tîya di serrî gerîlatîye keno. 2016 de hêrişê dişmenî de bi giranî birîndar beno. Bado ke serrêke tedadî vîneno reyna agêrano wezîfeyê xo ser û Akedemîya Mahsûm Korkmazî de perwerde vîneno. Dima ra verê xo dano Vakûrê Kurdîstanî û herêma Serhadî de vera dişmenî têkoşîn rayra beno.”