4 aşmî yo cenazaya gerîlaya YJA Starî Zehra Eryilmaza ke pîya 4 embazanê o 8ê kanûna 2019î de herêma Şenyayla de şehîd bîye,  nêdîyena keyeyê ci. Komeleya Heqanê Merdiman Şubeyê Amedî de derheqê babete eşkerayîyêke daye.

Maya Zehra Eryilmaz, Kudsîye Eryilmaza ke kombîyayîşî de qisey kerd vat: gama ke mi morgê Meletî de cenazaya kênaya xo dîye mi a nas nêkerd. Senî yew maye kênaya xo nas nêkena? Rîerdî de naye ra giranêr yewna dej esto? Cenazaya kênaya mi rê îşkence amebi kerdene. Nê kerdişî newşêka merdimîye ra dûrî yê. 4 aşmî yo ke cenazaya ma nêdanê ma. Çew biney hurmet ranojneno merdeyan. Eke cenazaya kênaya mi nêdê ez do dest pê grevê vêşanîye bikerê.

Serekê ÎHDyî yê Amedî Abdullah Zeytunî zî vat semedê girewtişê cenazayan înan rê xeylêk muracatî bîyî.