Cenazaya gerîlayê HPGyî Mucahît Toko ke 4ê temmuze de herêma Kato Jîrka ya qezaya Elkê ya Şirnexî de şehîd bibi 5 mengan ra dima teslîmê keyeyê ci ameye kerdene. Cenazaya Tokî 'goristanê bêkesan' ê Şirnexî de amebî definkerdene.

Dima ke testê DNA eşkera bibi keyeyê Tokî cenaza girewte û berde Goristanê Başakî yê Silopî de defin kerde.

Dîya zanayene ke destûr nêameyo dayene ke mala nimajê cenaza bikero û serê cenaza de biwano. Cenaza bênimaj binê ablûqaya polîsan de ameye definkerdene.