Gerîlaya YJA-Starî Sanîye Toprak (Diljine Marya Dêrsim) 23ê tebaxe de şer de şehîd bibî.

Cenazaya Toprake eşkerakerdişê netîceya testê DNA ra verî goristanê bêkesan ê taxa Bahçelîevlerî de amebî definkerdene. Cenazaya gerîla di mengî yo nêna dayene keyeyê ci.

Dima ke Dozgerîya Şirnexî gêraye ci keyeyî êlule de numûneya gonîye daye. Keye 15ê êlule de şi Şirnex û dozgerîye reyde pêvînayîş kerd. Dozgerîye keyeyê Toprake rê vat: ''Kênaya şima ameya definkerdene. Dosyaya definî destê ma de ya. La heta ke testê DNA eşkera nêbo ma cenaza nêdanê.''

Keyeyî da zanayene ke goreyê vateyê dozgerîye qaşo testê DNA 20 rojan ra dima eşkera bibîyêne la rixmo ke 28 rojî vîyartî eşkera nêbîyo.