Herêma Şenyayla ya mabênê Mûşî û qezaya Pasûrî ya Amedî de 8ê kanûna 2019î de şer qewimîya û netîceya şerî de 5 gerîlayî şehîd bibî. Nînan ra cenazaya gerîlaya YJA-Starî Zehra Eryilmaz zî 96 rojan ra dima keyeyê ci rê ameye teslîmkerdene.

Dima ke testê DNA binetîce bi, Serdozgerîya Komare ya Mûşî gêraye keyeyê Eryilmazî û keyeyê Eryilmazî zî îdarekaranê MEBYA-DERî reyde cenaza Dezgehê Tipê Edlîyî yê Meletî ra girewte. Cenazaya ke hêverî ameye berdene bi Nêweşxaneyê Gazî Yaşargîlî yê Amedî seba caardişê wecîbeyanê dînîyan ameye berdene bi Goristanê Yenîkoyî ya qezaya Baglarî ya Amedî.

Nêverda kesêk tewrê merasîmî bibo

Polîsan dormeyê gorîstanî girewt û nêverda ke îdarekarê MEBYA-DERî, TUHAY-DERî, HDPyî û roniştoxê herême beşdarê cenaza bibê. Cenazaya Zehra hetê keyeyê ci ra ameye definkerdene. Zîyaretê serweşîye zî Keyeyê Şînî yê Sîlvanî yê taxa Bacilarî yê Baglarî de yenê kerdene.