Dewleta tirke ya îşxalkere vizêr Kampa Multecîyan a Şehîd Rûstem Cûdîyî (Mexmûr) de wesayîtêk bi droneyan hedef kerdbi.

Ciwanê bi nameyê Haci Mîraz Elîyo ke hêriş de birîndar bibi, Nêweşxaneyê Gîyarî de rixmê pêro xîretan zî şehîd bi.

Roniştoxanê Mexmûrî bi konvoyan arde kampe. Konvoy verê kampe de hetê girseyan ra ame pêşwazîkerdene.

Dima Dezgehê Keyeyanê Şehîdan de seba Elîyî merasîmêk ame kerdene. Hemserekê Şaredarîya Mexmûrî Bedran Pîranî merasîm de ard ziwan ke vera Têgêrayîşê Azadîye hêrişê pîlî est ê û vat: ''Wa dewleta tirke û hemkarê ci PDK bizano ke no do înan rê nêmano. Ma soz danê şehîdan ke destê xayînan bişiknê. Dişmen wazeno îradeya ma bişikno la ma şehîdan ra hêz gênê.''

Dima şarî bi sloganan cenaza berde goristan û defin kerde.