Taxa Kumlu ya qezaya Artuklu ya Mêrdînî de domana bi nameyê Kader Tekçe ya 5 serrîye wexto ke verê keyeyê xo de kay kerdêne bîye vîndî. Keyeyê ci ke Kadere nêdîye, xebere daye cendirmeyan. Ekîpanê cendirmeyan taxe de dest bi xebatanê cigêrayîşî kerd. Netîceyê cigêrayîşan de cenazeya Kadere dereyo ke taxe ra derbaz beno de ameye dîyayene.

Cenazeya Kadere dimayê etudkerdişî seba otopsî ame berdene bi Nêweşxaneyê Dewlete yê Mêrdînî.