Gerîlayê HPG'yî Mesût Aktaş 25'ê Nîsane qezaya Licê ya Amedî de şer de şehîd bibi û cenazeya ey 26 rojî Nêweşxaneyê Cigêrayîş û Perwerdeyî yê Gazî Yaşargîlî de ameyene vindernayene. Cenazeya Aktaşî vizêr ameye dayene bi keyeyê ci.

Keyeyê Aktaşî waşt ke cenazeya ey Goristanê Derî yê Mêrdînî de bêra wedarnayene û wecîbeyê dînî uca bêrê kerdene labelê polîsanê Tirkî destûr nêda. Dimayo ke cenazeya Mesût Aktaşî nêweşxane ra ameye şutene, binê ablûqaya polîsan de bi wesayîtê cenaze ame berdene bi goristan.

Teberê merdimanê Aktaşî de destûr nêame dayene ke kes tewrê merasîmê defînkerdişê cenaze bibo. Cenazeya Aktaşî kaleka dayîka ey de ameye wedarnayene. Keyeyê Aktaşî do serdananê seba serweşîye keyeyê Şînê yê Mistanî yê qezaya Sûrî yê Amedî pêşwazî bikero.