Gerîlayê HPG'yî Mûhmmet Emîn Demîro (Deniz Agirbaz) ke 11'ê Temmuza 2019 de qezaya Geverî ya Colemêrgî de pêkewtiş de şehîd kewt rixmê viraştişê testê DNA cenazeya ci badê 49 rojan dîyaye keyeyê ci. Cenazeya Demîrî qezaya Bismilî ya Amedî de ameye definkerdene.

Keyeyê Demîrî 18'ê Temmuze de xebere girewte ke lajê înan şehîd bîyo û 21'ê Temmuze de şî Gever û Colemêrg û morga nêweşxaneyî de cenaze teşhîs kerde. Keyeyî 21'ê Temmuze de Dozgerîya Komare ya Colemêrgî rê muracat kerd û seba DNA gonî daye. Keyeyî dimayê 49 rojan 28'ê Êlule de reyna dozgerîye ra muracat kerd û cenaze morga Nêweşxaneyê Colemêrgî ra girewte û arde Bismilê Amedî. Keyeyî da zanayene ke rayîr de bi meneya kontrolê GBT'yî rastê tacîzê polîs û leşkeran ameyî. Keyeyî şewa bîne nêmşewe de pê tewrbîyayîşê şarî cenaze Goristanê Taxa Akpinarî de defin kerde. Wextê beşdarbîyayîşê şarî de polîsan dormeyê goristanî girewt û kesê ke tewrê cenaze bîyî, GBT'yî rê vîyartê. Badê definkerdişî Keyeyî waşt ke taxe de xeyma tezîye rone. La seba ke polîsan destûr nêda keye de tezîye ameye ronayene. Tezîye do keyeyê Mûhammet Emîn Demîrî de 3 rojî dewam bike.