Dêrsim de pêkewtişê 2’ê Gulane de gerîlayê HPG’yî Nevaf Kortak (Baran) cuya xo vîndî kerde. Merdimanê Kortakî ke cenazeya ey Dezgehê Tîpê Edlî yê Meletî ra girewte, waşt ke qezaya Bismîlî ya Amedî de camî de wecîbeyanê dînî bêrê ca la poslîsan destûr neda.

Goreyê vatişanê apê Kortakî, Zubeyîr Kortakî Polîsan vato ke ‘’Camî ya dewlete ya, ma çirey destûr nêdanê şima tîya wecîbeyanê dînî ê ey bêrê ca. Ma destûr nêdanê melayê ke kadro yê meyîtî rê eleqedar bê.  Şima bi xo se kenê bikenê. Eke wextê defin de zî vengê yew sloganê bêro ma do cenaze şima rê bigêrê.’’

Merdimanê Kortakî wecîbeyê dînî bi xo ardê ca û binê abûqaya polîsan de cenazeya xo Goristanê Akpinarî de defin  kerde. Polîsan destûr nêda taziyê zî camî de bêro viraştene. Tazîye keyeyê Kortakî de ameyî ronayene.

Zubeyîr Kortakî vera nê zextî reaksiyon da û vat ke hukmatê AKP’yî xo sey Îsamî ramojneno  û binê nê nameyî de domananê ma qetil keno. Destûrê cenaze nêdanê. Tena xo rê misiman ê ma rê faşist ê.

Mela Ahmet Aydenizo ke meyîtê Kortakî şito ard ziwan  ke na bêhurmetîya vera meyîtî nêna qebûlkerdene û va: ’’Camî û cayê taziye hetê şarê qezaye ra ameyî viraştene la destûr nêdîyeno ke wecîbeyê domanê înan tîya bêrê bicaardene. Her îtîqatî de cenazeyî bi merasîmî yenê wedartene. Çîyê ke nê kenê goreyê dinî Îslamî nêyî.’’