Hêrişê îxalî yê dewleta tirke yê vera Başûrê Kurdîstanî dewam kenê. Gerîlaya YJA Starî Cûdî Çekdara ke Cengê Heftanînî de vera îşxalkeran şer kena qala embazanê xo yê ke şehîd bîyî kerde.

Cûdî Çekdar wina qala embazanê xo û xoverdayîşê înan kerde: ''Senî ke şehîde Tolhildanî vatêne seba ke semedê Heftanînî hende bedelî dîyayî, wina rind û erjîyaye yo. Vîrê man ê qila de nimite yê. Embazê şehîdî zerrîya ma de yê û ma ça benê wa bibê, ma şirê ça, ça de kede bidê embazê ma tim cayê ma de yê.

Embaze Zelale fermandara ma ya cepheyî bî. Hem embzîya ci hem zî fermandarîya ci zaf xurte û erjîyaye bî. Vazdayêne hetkarîya heme embazan, goştarî kerdêne û problemê înan çareser kerdêne. Xoverdayîşo pîl ê Şeşdara serkeşîya embaze Zelale de bi pîl. Mi embaza Zelale ra cesaret, moral, motîvasyon û hêz girewtêne. Fermendarêka serkêşe, hemrayêka serkêşe bî. Embaza Zelale şehîde Çîçeke rê zaf girêdaye bî. Şehadetê embaza Zelale semedê Heftanînî zaf giran bi. Embaze Zelale şehîd bîyî la do bi desan Zelalî Heftanîn de cayê aye bigerê û do gonîya ci erdî de nêmano.

Embaz Mazlûm bi girêdayeyê hemrayîye û embazanê xo ameyêne nasnkerdene. Embaz Mazlûmî her çalakî de cayê xo girewtêne, vaz dayêne hetkarîya heme embazan û embazan rê serkêşîye kerdêne. Embaz Mazlûm Egîdê Heftanînî bi. Seba ke destê dişmenî mekewo guleyo peyên na xo ya. Merdimê fedaîyî wextê şehadetî de nê vindertişî ramojnenê.

Embaz Ferman Amed xîret û kedkar bi. Gama ke o şiyênî  çalakîyan zerrîya ma rehet bî. Ma zanayêne ke o do ser bikewo. Embazêko pak, saf û zersafî bi. Vengê ci zî zaf weş bi. Ewnîyayêne zereyê cimanê embazanî ra û deyîrî vatêne. Embaz Ferman embazêko zaf erjîyaye bi.

Embaze Esmere fermandara yewîya ma bî. Vera kobrayan şer kerêne. Ma nê hêzê înan rê şaş bîyêne û heyran mendêne. Bêşik o ke no hêzo ke embazê cinîyî ramojnenê xeyrê Rayberîye yo.

Embaze Ararate zî serhadije bi û heskerdoxê Serhadî bî. Zerrîya ci hendê Koyê Araratî berz bî. Embaze Ararate hemrayêka zaf pak bî. Verê şehadetê ci birîndar biyebî û rixmê naye huyayêne. Aye de ruhê PKKyî estbi. Bi huyayîş vatêne 'tekînîgê dişmenî nêeşkeno mi.'

Embaze Bêrîvane Koçer dir ma xeylêk wext pîya mendî. Embaze Bêrîvane bi hewayêkê qehremankî vera dişmenî şer kerdêne û destur nêdayêne dişmen bikewo herra ma. Embaze Zeryan gerîlaya di serran bî. Ruhê xoverdayîşo ke Dêrsimî de ramojna bi çekuyan nêno qalkerdene. Embaze Nucana zerrîya Şeşdara bî. Bi kedkarîya xo ameyêne naskerdene.

Çew/e çiqas qala şehîdanê Heftanînî bikero zî tem nêeşkeno qehremanîya înan bîyaro ziwan. Ma do rêça şehîdan de heta dalpaya peyên a gonîya xo şer bikerê û qesasê hemrayanê xo yê şehîdan bigerê. Her guleyo ke yeno eştene de do hêrsê ma pîlêr bo.''