Cengê Heftanînî de 19ê teşrîna verêne de Heftanîn de di gerîlayî bîyî estare û roşnî danê xozaya Heftanînî. Nê gerîlayanê bi nameyê Argêş Cûdî (Harûn Akyol) gerîla Dijwar Koçer (Egîd Kaçar)  rayîrê azadîye de israr kerd û tewrê karwanê bêmergan bîyî.

Gerîla Argeş serra 1998î de Şirnex de dadîya xo ra bîyo û serra 2015î de Şirnex de tewrê PKKyî bi. Argeş wexto ke tewrê gerîlayan bibi wina qisey kerdbi: ''Tewr zêdêr embazîya PKKyî mi rê tesîr kerd. Wextê şerî de gerîlayî xo erzenê guleyan ver. Wexto ke merdim nê çîyan vîneno vano ke ez çend seba embazanê xo çîyêk bikera tira qet do poşman nêbo.''

Gerîla Egîd yan zî bi nameyê xo yê têgêrayîşî Dijwar Koçer serra 1996î de Sêrt de dadîya xo ra bîyo û serra 2014î de Gabar de tewrê gerîlayan bi. Gerîla Egîdî vatêne: ''Terz û cuya gerîlatîye zaf tesîrê mi kerd. Mi xîret kerd ke kesayetê xo de zî na cuye bimojna. Reyna embazanê şehîdan zî mi rê zaf tesîr kerd ke ê heta peyên perwerê Serekîye bibî.''

Gerîlayanê HPGyî Argeş û Dijwarî zî destanê Heftanînî de ca girewt û her war de pêro mesuldarîyê xo ardî ca. Înan adirê azadîye de rêçê xo verdayî.